The Social Network (2010)

The Social Network fjallar um Mark Zuckerberg, manninn á bakvið Facebook. Fyrst hugsuðu örugglega flestir að það kæmi ekki vel út að gera mynd þekkta sem Facebook-myndin. En... Útkoman er frábær og The Social Network setur sig á sama stall og Fight Club og Se7en.

Allir, og ég meina allir, standa sig vel og Justin Timberlake kemur skemmtilega á óvart sem hinn hressi Sean Parker. Myndin hoppar oft á milli tímaskeiða og gefur það myndinni ákveðinn stíl sem hjálpar til að gera hana skemmtilegri. Þetta er mynd sem er byggð á samtölum og handritshöfundurinn Aaron Sorkin á svo sannarlega skilið hrós!

Leikstjórnin er frábær og David Fincher sýnir aftur fram á það að hann er einn fremsti leikstjórinn í dag. Tónlistin er virkilega góð og passar vel við lágstemmda tóninn. Klippingin er góð og sömuleiðis takan.

Mæli vel með þessari, áhugaverð fyrir fólk á öllum aldri og svo er hún líka með húmor.

Það er engin spes ástæða af hverju myndin fær ekki 10, en 9 er góð einkunn fyrir góða mynd. 9/10

Ef að það er eitthvað sem David Fincher kann að gera, þá eru það góðar myndir. Byrjuninn á ferllinum hans var ekkert stórkostlegur (Fuck you Alien 3) en myndin eftir hana varð legendery, myndin Se7en. Svo eftir hana kom drasl, The Game, svo eftir hana kom góður annað legendery dæmi á stóraskjáin, Fight Club, svo kom bara góð spennumynd, The Panic Room, svo komu tvær geðveikt góðar myndir, systkynin Zodiac og The Curious Case of Benjamin Button og núna er komið annað meistaraverk, The Social Network.

Fyrst þegar ég heyrði að þegar var að gera Facebook-mynd (saywhaat?!) þá hló ég. En þegar ég fattaði að David (fokking) Fincher væri að gera hana, þá hló ég ekki eins mikið. Þegar ég sá trailerinn, þá var ég sleginn andlega í andletið með steypreiði, ég varð orðlaus. Sá myndina og ég er pretty much sjokki yfir því hvað þessi þróunarkenning mín um hvað ég hélt að myndin myndi verða varð af.

Kostir og gallar, balblabla, ég hef enga galla að segja um þessa mynd, hef ekkert að koma á framfæri um hvað lélegt sem þessi mynd hefur. Það sem hún og mun alltaf vera og það er awesomness, ekki eins awesome og Incneption, en hún er mjöög nálægt því., ef hún myndi hafa hasar þá myndi hún toppa Inception (Nei djók). Helstu kostirnir eru hvernig hún byggð, tónlistin og leikararnir, hvernig þeir meðhöndla persónurnar.

Persónurnar sjálfar eru rosalega flottar og frekar eftirminnilegar, sérstaklega Justin Timberlake. Anstyggilega djúp persóna, Justin (Bieber xD) Timberlake er maðurinn. Ég hélt fyrst að Eisenberg kunni ekki að leika, mér fannst leika sömu rulluna aftur og aftur eins og Michael Cera, en á sama árinu náðu þeir að sýna sig. Hvernig myndin er byggð reynir mjög mikið á heilan, sem gerir bara myndina einstaka.

Ef það er ehv, þá er þetta ein af betri myndum ársins og þessi mynd mun fá óskarinn fyrir annaðhvort besta klipping, tökur, aðalhlutverkið (Jesse), aukahluberkið (Justin) eða útlit.

10/10

Ég væri að ljúga ef ég myndi segja að ég væri ekki búinn að búa til ákveðnar kröfur fyrir Social Network. Ég hef ekki tekið eftir voðalega miklum áhuga í kringum myndina þar sem fólk spyr oftast „hvernig getur verið mynd um Facebook og hvað er svona áhugavert við hana?“. Þegar maður eins og David Fincher er að leikstýra mynd um Facebook, þá verður hún sjálfkrafa áhugaverð. Það er líka rangt að segja að þetta sé mynd um Facebook þar sem hún er ekki beinlínis um Facebook heldur meira um uppruna Facebook og sögu Mark Zuckerberg frá því að vera venjulegur háskólastrákur í það að vera yngsti billjónamæringur heims. David Fincher hefur leikstýrt myndum eins og Fight Club og Se7en, sem eru báðar á top 250 lista IMDB þannig að eins og ég sagði áðan, þá eru gerðar kröfur til hans. Spurning hvort hann hafi náð að uppfylla þessar kröfur með mynd um Zuckerberg og félega? Já, án efa. Ég get samt sem áður sagt að hún sé ekki fyrir alla. Það verða án efa margar stelpurnar sem fara á þessa mynd til að sjá helling af skemmtilegu facebook dóti og kannski smá farville ef þær eru heppnar. Það sem þær fá hinsvegar er 2 klukkutímar af samræðum og baksögur þungra dómsmála. Ef þú hefur alls ekki gaman af samræðu myndum þá er þessi alls ekki fyrir þig.

Ég væri að ljúga ef ég myndi segja að ég væri ekki búinn að búa til ákveðnar kröfur fyrir Social Network. Ég væri líka að ljúga ef ég myndi segja að Social Network hefði ekki komið mér á óvart. Fincher náði að uppfylla kröfurnar mína og meira en það. Myndin væri hinsvegar ekkert án leikarana og get ég með sönnu sagt að þeir eru allir frábærir hérna. Jesse Eisenberg leikur Zuckerberg með engu nema sannri snilld. Það sama má segja um alla hina leikarana. Það var engin í þessum hóp sem lét mann ekki virkilega trúa því að hann/hún væri persónan sem hann/hún leik(ur). Þó að mesti heiðurinn renni til Arnie Hammer sem lék báða Winklevoss bræðurna og lét það samt líta út fyrir að vera tveir leikarar, ótrúlegt en satt. Þetta er án efa besta frammistaða á tvíbura hlutverki frá einni manneskju síðan Parent Trap með Lindsay Lohan!

Ég væri að ljúga ef ég myndi segja að ég væri ekki búinn að búa til ákveðnar kröfur fyrir Social Network. Ég væri líka að ljúga ef ég myndi segja að Social Network hefði ekki komið mér á óvart. Ég væri enn of aftur að ljúga ef ég myndi segja að þetta væri ekki áhugaverðasta mynd sem ég hef séð á þessu ári. Ég get með sönnu sagt að það bjóst engin við því að uppruni Facebook hefði verið svona ótrúlega, ótrúlega litríkur. Auðvitað er mikið pumpað upp til að líta vel út á stóra skjánum og auðvitað einbeitir hún sér meira á stóru atriðin en þann mikla tíma sem fór í það að hann útlitið á síðunni og code-a hana, en vegna frábærs handrit gleymir hún þeim hlutum heldur ekki. En ég nefndi fyrr og nefni aftur að þetta er samræðu mynd, sem þýðir einfaldlega að það er lítið annað gert í myndinni en að tala. Handritið fær hérna STÓRAN plús fyrir að gera allar samræður í myndinni áhugaverðar, skemmtilegar, dramatískar og meiraðsegja fyndnar. Myndin byrjar meiraðsegja á einfaldri samræðu sem þróast í svo miklu meira. Myndin gerist á löngum tíma og þess vegna er einn hlutur sem ég vil setja útá, það er engin möguleiki fyrir mann að fylgjast með hvar maður er staddur í tímalínunni. Það heyrast stundum hlutir eins og „fyrir 3 mánuðum“ eða „það var fyrir 2 vikum síðan“, en þá eru kannski ekki nema 10-20 mínútur síðan sá atburður gerðist í myndinni. Ég hef ekki fleiri kvartanir, ekki eina einustu.

Einkunn : 9 – Nú þegar Inception hype-ið er loksins búið nær The Social Network að byrja óskar tímabilið á frábæran hátt og eins og staðan er núna þá vona ég innilega að Fincher fái óskarinn sem hann hefur átt skilið í langan tíma. En það gæti vel verið að eitthver önnur mynd verði betri, hver veit, það er ennþá nógur tími eftir. (Ég vil benda fólki á að Lindsay Lohan dæmið var auðvitað grín!)

Það er alltaf erfitt að vera ekki spenntur fyrir nýrri mynd eftir David Fincher, einum uppáhalds leikstjóranum mínum. Maðurinn komst í guðatölu fyrir meira en áratugi síðan og eina slappa myndin á ferilskránni er hans fyrsta, en leikstjórinn hefur víst sjálfur afneitað henni, rétt eins og flestir aðdáendur hans. Annars, þrátt fyrir að ég hafi verið mjög ánægður með seinustu þrjár myndirnar hans, þá hef ég ekki séð meistaraverk frá honum síðan Fight Club kom út, þ.e.a.s. fyrr en núna. Það gerir mig glaðan. Ofsalega!The Social Network feilar ekki á einu einasta sviði, og allt sem hún á að gera vel gerir hún meistaralega. Handritið er brilliant, sagan athyglisverð út í gegn, leikur gallalaus og leikstjórnin sömuleiðis. Þetta er mynd sem skilur fullt eftir sig og hefur ýmislegt að segja í einfaldleika sínum, og ef henni tekst að grípa þig eftir fyrstu senuna, þá finnst mér nokkuð öruggt að hún haldi þér föstum við skjáinn út restina. Hins vegar, þeir sem eru lítt hrifnir af samtalsstýrðum kvikmyndum eiga ekki eftir að ganga sáttir út. Algjör aðvörun fyrir meðaljónana.Helstu styrkleikar þessarar myndar eru þrír. Sá fyrsti er einfaldlega handritið. Þeir sem þekkja til skrifa Arons Sorkin vita það að þessi maður er nánast einn sinnar tegundar þegar kemur að díalog. Efnið sem hann hefur komið nálægt hefur kannski ekki allt verið frábært en á góðum degi eru samtöl hans svo vel skrifuð að áhorfandinn nær varla andanum á milli orða. Þessi penni er einn sá besti í bransanum og það er útaf honum að hér um bil allar senur í The Social Network eru góðar. Samræðurnar eru flugbeittar, oft mjög fyndnar en aldrei ótrúverðugar eða of góðar með sig. Handritið er aldrei að auglýsa það hvað það er snjallt eða vel skrifað og uppbyggingin er slík að það er aldrei dauður kafli. Styrkleiki nr. 2 er klippingin. Fincher tekst hér að búa til óvenju líflega mynd sem sýnir einungis fólk tala saman í tvo tíma. Ég grínast heldur ekki með það þegar ég segi að lengd hverrar senu er að meðaltali nokkrar mínútur að lengd og það setur mjög virkan stíl á flæðið og gerir það að verkum að athyglin tapast aldrei. Tónlistin gefur líka senunum rosalega gott "kikk," og á rólegu köflunum eru tónarnir oft svo drungalegir að það ýtir undir kraft myndarinnar. Þriðji styrkleikinn (ásamt mörgum, mörgum öðrum) er síðan samspil leikaranna. Allir standa sig óaðfinnanlega þótt sérstakt hrós fari til þeirra Jesse Eisenberg, Andrew Garfield (sem verður bráðum þekktur sem "nýi Spider-Man") og Justin Timberlake. Ef menn ætla virkilega að halda því ennþá fram að Timberlake geti ekki leikið, þá ætla ég að mana þá til að horfa á Alpha Dog, svo þessa og síðan halda kjafti.Ef þú ert Fincher-aðdáandi (sem gerir þig að manneskju með góðan kvikmyndasmekk) þá er þessi mynd alls ekki að fara að valda þér vonbrigðum. Jafnvel Facebook-fíklar (sem við íslendingar erum, ekki neita því!) ættu að sjá þessa mynd bara til að sjá hvað átökin á bakvið gerð og stjórn síðunnar voru áhugaverð. Það skiptir mér persónulega engu máli hvort myndin sé 100% sönn eða ekki. Heildarniðurstaðan hélt mér límdum og auk þess snýst myndin um svo margt meira en bara Facebook. Vefsíðan sjálf er í aftursætinu, sagan er um metnað, græðgi, afbrýðissemi og vináttu sem hrynur í sundur og maður þyrfti að vera gerður úr steini til að vera ekki pínu snortinn af þeirri sögu og hvernig hún spilast út.Ég skal kalla sjálfan mig Adolf ef þetta kvikmyndaár hefur ekki skánað og komið talsvert á óvart á síðustu mánuðum. Hingað til er The Social Network besta mynd sem ég hef séð á árinu ásamt Inception (kaldhæðnislega fjalla báðar þessar myndir mikið um hugmyndir) og persónulega myndi ég glaður kasta í hana haug af verðlaunastyttum, sérstaklega þessum gylltu. Ég veit að það er lúðalegt að segja þetta en ég set spikfeitt "LIKE" á myndina!10/10PS. Man einhver eftir Facebook-kommentinu hans Eisenbergs í Zombieland? Frekar fyndið að pæla í því núna þegar maður sér hann leika hér manninn sem fann upp á því.