Wayne's World (1992)

Wayne Campbell er ástríðufullur aðdáandi þungarokkstónlistar og býr í úthverfi Chicago borgar í Bandaríkjunum. Hann og hinn dálítið skrýtni vinur hans Garth Algar, senda út sjónvarpsþáttinn Wayne´s World á föstudagskvöldum úr kjallaranum heima hjá Wayne og þátturinn nýtur mikilla vinsælda. Wayne´s World nær eyrum hins fjallmyndarlega yfirmanns á sjónvarpsstöð, Ben Oliver, sem vill fá að senda Wayne´s World út á sinni stöð þar sem þátturinn myndi ná mun meiri útbreiðslu en nú er, en sjónvarpsstöðin nýtur stuðnings milljarðamæringsins Noah Vandahoff. Nú er Wayne´s World kominn á besta sýningartíma á stórri sjónvarpsstöð og Wayne og Garth á leiðinni að verða stórstjörnur og Wayne er orðinn skotinn í Cassandra Wong, kínversk-amerískri aðalsöngkonu þungarokkshljómsveitar. En Ben er með leynilega áætlun og ætlar sér að eyðileggja þáttinn og hótar að stela Cassandra af Wayne ef Wayne og Garth mistekst að gera Wayne´s World að vinsælasta sjónvarpsþættinum. Wayne og Garth átta sig á að þátturinn er ekki lengur sá sami og hann var þegar þeir sendu hann út frá kjallaranum heima hjá Wayne og Wayne ætlar nú að hjálpa Cassandra að slá í gegn.