Red Riding Hood (2011)

Red Riding Hood er dekkri uppfærsla en gengur og gerist af þessu fræga ævintýri um Rauðhettu og úlfinn. Myndin segir frá Valerie, gullfallegri ungri konu sem á að giftast hinum auðuga Henry, jafnvel þó hún sé yfir sig ástfangin af skógarhöggsmanninum Peter, sem hefur aldrei þótt vinsæll í þorpinu sem hún býr í. Valerie og Peter ákveða að hlaupast á brott saman áður en fréttir berast af því að eldri systir Valerie hafi verið myrt á hrottalegan hátt af varúlfi nokkrum, en sögur af honum hafa fylgt bænum alla tíð. Hefur honum verið haldið í skefjum með því að fórna dýri mánaðarlega og bjóða honum. Nú virðist það ekki duga til lengur og fá bæjarbúarnir því prestinn Solomon til að aðstoða þá við að ráða niðurlögum skepnunnar. Eftir því sem fleiri liggja í valnum fer að falla grunur á að morðinginn sé einn af íbúum bæjarins, og brátt fer Valerie að finna fyrir því að varúlfurinn tengist henni sterkum böndum...