Næsta mynd leikstjórans John Singleton er framhaldið af hinni öflugu Boyz in the hood. Mun hún bera heitið Baby Boy, og er með Ving Rhames og Snoop Doggy Dogg í aðalhlutverkum. Fjallar hún um ungan mann, atvinnulausan sem býr heima hjá móður sinni. Hann á tvö börn með tveimur konum og virðist ekki geta átt í eðlilegu sambandi við neina konu. Besti vinur hans er að reyna að byrja aftur í klíkunni, móðir hans er byrjuð með manni sem hann þolir ekki og barnsmóðir hans er að gera hann vitlausan. Fylgjumst við með honum þroskast í gegnum myndina og verða að manni. Singleton hefur sannað sig sem ágætur kvikmyndagerðarmaður og á eflaust eftir að skila af sér góðri mynd.
