Marshefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í marsmánuði, sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru tvær gríðarlega spennandi en ólíkar kvikmyndir, sem margir hafa beðið eftir með mikilli eftirvæntingu – annarsvegar er það kvikmyndin um Marvel ofurhetjuna Captain Marvel, sem leikin er af Óskarsverðlaunaleikkonunni Brie Larson, og hinsvegar er það og teiknimyndin Að temja drekann sinn 3.
Captain Marvel kemur 8. mars í bíó en Að temja drekann sinn 3 kemur viku fyrr, eða á föstudaginn næsta, þann 1. mars.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.
