All the President's Men 1976
At times it looked like it might cost them their jobs, their reputations, and maybe even their lives.
138 MÍNEnska
Vann fjögur Óskarsverðlaun. Besta handrit unnið upp úr öðru efni, besti aukaleikari Jason Robarts, besta hljóð og besta listræna stjórnun. Tilnefnd til fjögurra Óskara í viðbót.
Sannsöguleg mynd sem fjallar um Bob Woodward og Carl Bernstein, blaðamenn við Washington Post sem rannsaka ráðgátuna á bakvið Watergate innbrotið, sem leiddi til afsagnar Richard Nixon Bandaríkjaforseta snemma á áttunda áratug tuttugustu aldarinnar.
Aðalleikarar
Leikstjórn
Ég sá þessa mynd upphaflega sem unglingur, man ekki nákvæmlega hvenær. Mér fannst hún þá ferlega leiðinleg. Öll myndin var Robert Redford og Dustin Hoffman að tala í síma. Það var næstum engin tónlist og enginn hasar.
Ég veit ekki hvaða mynd ég var að horfa á sem unglingur af því að All The Presidents Men er frábær mynd. Í þetta skiptið fannst mér hún heillandi og spennandi. Hún hélt mér alveg límdum við skjáinn með tonnataki. Þetta er auðvitað sönn saga um opinberun Watergate hneykslisins sem varð til þess að Richard Nixon þurfti að segja af sér. Blaðamennirnir (Redford og Hoffman) sýndu ótrúlega þrjósku og þrautseygju í leit sinni að frétt sem þeir vissu ekki einu sinnu um hvað snérist. Með hjálp dularfulla uppljóstarans, Deep Throat, elta þeir peningaslóð frá mönnum sem komu fyrir hlustunarbúnaði í höfuðstöðvum demókrata alla leið til Hvíta Hússins. Mögnuð mynd og VEL þess virði að grafa upp og horfa á aftur. Ef þið hafið aldrei séð hana er réttast að bæta úr því sem fyrst. Þetta er söguleg mynd, meistaralega útfærð.
Árið 2005 var hulunni svipt af heimildarmanninum Deep Throat. Hann hét William Mark Felt “deputy director” í FBI.
Ótrúlega góð mynd,snilld,snilld og ennþá meiri snilld. Myndin fjallar um Watergate málið eða um tvo blaðamenn (Hoffman og Redford) sem eru að reyna að komast að því sanna um Hvíta Húsið,hvort að amerískir pólitíkusar,repúblikanar og þeir og hvort þeir séu brjálaðir og heimskir og bara hvort þeir séu vondir. En núna er 2004 og allir vita að þeir eru fávitar. Hoffman er mjög sannfærandi með mikið hár eins og venjulega og Reford eru líka góður. Handritið er ekki flókið og leikstjórnin mjög góð,ég mæli eindregið með þessari mynd fyrir alla kvikmyndaáhugamenn.
Tímamótamynd sem sameinar þætti stjórnmálatrylla, rannsóknarmynda, ævisagna og blaðamannamynda. Aðalleikararnir tveir túlka hér fréttamenn Washington Post sem áttu sinn hlut í að kom upp um Watergate hneykslið. Dustin Hoffman leikur gyðinginn Carl Bernstein sem er þaulvanur í sínu fagi en Robert Redford er í hlutverki Bob Woodward sem er nánast nýgræðingur. Jason Robards, nýbyrjaður í hrinu af 'skapstyggur gamall sérvitringur' aukahlutverkum, hlaut Óskarinn ásamt handritshöfundnum William Goldman (hefur meðal annars skrifað handritið að Butch Cassidy and the Sundance Kid). Myndin slær upp fjöldan allan af fínum persónutúlkunum og sannfærandi hápunkti sem bætir upp fyrir lengd hennar (um það bil 140 mínútur). Fólk með áhuga á sjórnmálum og kvikmyndum ættu ekki að láta þessa mynd fram hjá sér fara.
Hér er rakin sagan af því hvernig tveimur rannsóknarblaðamönnum á The Washington Post, Carl Bernstein og Bob Woodward, tókst að vekja þjóðarathygli á þætti nánustu aðstoðarmanna Nixons Bandaríkjaforseta í innbrotinu í Watergate-bygginguna, sem á endanum lyktaði með því að Richard Nixon sagði af sér embætti forseta Bandaríkjanna, fyrstur manna. Með afbrigðum velheppnuð frásögn, skemmtilega uppbyggð og frábærlega leikin af tveimur vinsælustu leikurum sinnar kynslóðar, þeim Robert Redford og Dustin Hoffman. Senuþjófurinn er þó Jason Robards sem fer á kostum í óskarsverðlaunahlutverki. Ein af allra bestu hins misjafna Alan J. Pakula sem nú er nýlátinn. Hún er einnig ein af allra bestu myndum úr blaðamennskunni sem gerðar hafa verið. Þessi stórkostlega kvikmynd er ekkert farin að dala, jafnvel þó að atburðirnir sem hún er byggð á séu löngu liðnir og þótt árin líði. Ég gef þessari stórfínu kvikmynd tvímælalaust fjórar stjörnur og mæli með henni við alla þá sem ekki hafa séð hana. Allir þeir sem hafa gaman af skemmtilegum spennumyndum með sagnfræðilegu ívafi ættu að drífa í því að sjá þessa, hún er vel þess virði.
Um myndina
Leikstjórn
Handrit
William Goldman, Carl Bernstein, Bob Woodward
Vefsíða:
www.warnerbros.com/all-presidents-men
Aldur USA:
PG