Serendipity (2001)

Jonathan Trager og Sara Thomas hittast þegar þau eru að kaupa sér hanska í New York. Þó þau séu að kaupa hanskana fyrir unnustu og unnusta sinn, þá gerast einhverjir töfrar þetta jólakvöld, og ástin kviknar á milli þeirra. Jon vill halda þessu áfram, en Sara er ekki viss um hvort að þessu ævintýri þeirra sé ætlað að verða eitthvað meira. Þau ákveða að láta reyna á örlögin með því að skiljast að og sjá hvort örlögin færi þau saman aftur. Mörgum árum síðar, eftir kvöldið góða, þá eru þau nú bæði trúlofuð og ætla að fara að giftast öðru fólki, enda hafa þau ekki sést í öll þessi ár. Samt geta þau ekki enn losað sig við þá hugsun hvort að örlögin ætli þeim að vera saman. Jon fær hjálp frá besta vini sínu í að finna stúlkuna sem hann getur ekki hætt að hugsa um, og byrjar í búðinni sem þau hittust í fyrst. Sara biður kærasta sinn, tónlistarmanninn, um leyfi til að fá að fara í smá frí fyrir brúðkaupið, og fer með bestu vinkonu sinni frá Kaliforníu til New York, í þeirri von að örlögin færi hana og sálufélaga sinn saman. Þegar á hólminn er komið eru þau oft nálægt því að hittast, en örlögin munu ákvarða hvort þau hittist á nýja leik.