Exorcist: The Beginning (2004)

Fornleifafræðingurinn Lankester Merrin er beðinn um að fara til Austur Afríku til að grafa upp kirkju sem fannst algjörlega brunninn niður í sandinn. Merrin er einnig vígður róman - kaþólskur prestur sem, þjakaður af hlutum sem hann var neyddur til að gera í seinni heimsstyrjöldinni í heimalandi sínu Hollandi, forðast allar aðrar trúarstefnur eða hjátrú. Hann er heillaður af því sem hann finnur í Afríku og kemst að því að það á rætur að rekja hundruð ára áður en kristni var kynnt fyrst til sögunnar á þessu landssvæði. Með honum í för er séra Francis, en hann á að fylgjast með þeim trúarlegu hlutum sem þeir kunna að rekast á. Merrin fer til búða þeirra. Þar hittir hann ungan lækni, Sarah, og fljótlega sér hann að yfir svæðinu hvílir eitthvert rökkur og dimma. Vinnumenn á svæðinu brjálast og ungur drengur er illa leikinn af hýenum, á sama tíma og dýrin láta yngri bróður hans Joseph algjörlega í friði. Inni í kirkjunni sjálfri finna þeir merki um vanhelgun. Merrin neyðist til að horfa í eigin barm og á það hvað hann trúir, og mæta djöflinum augliti til auglitis.