Absolute Power kom mér frábærlega á óvart, mér langaði aldrei að sjá hana en loksins tók ég hana upp og á hana ennþá. Leikurinn er góður sérstaklega hjá þeim Eastwood sem leikur kl...
Absolute Power (1997)
"Corrupts Absolutely."
Luther Whitney er atvinnuþjófur, sem vinnur þó stopult.
Deila:
Bönnuð innan 16 áraÁstæða:
Ofbeldi
Blótsyrði
OfbeldiBlótsyrðiSöguþráður
Luther Whitney er atvinnuþjófur, sem vinnur þó stopult. Hann er að undirbúa verkefni sem verður líklega hans síðasta. Allt gengur vel og svo virðis sem verkefnið eigi eftir að ganga eins og í sögu, en þá kemur skyndilega eitthvað fólk inn í herbergið þar sem Luther er að athafna sig, og hann kemst ekki út úr herberginu áður. Hann felur sig í leynilegu herbergi sem er á bakvið spegil sem hægt er að sjá í gegnum, og þá sér hann eiginkonu eiganda hússins, ásamt öðrum manni. Þau eru í einhverjum ástarleikjum, en þá skyndilega ákveður maðurinn að slá konuna, en konan kemst undan og grípur bréfahníf, og er í þann veginn að fara að stinga manninn, þegar maðurinn kallar á aðstoð og inn koma tveir menn aðrir sem skjóta konuna og drepa hana. Luther sýnist að maðurinn sé sjálfur forseti Bandaríkjanna, Alan Richmond, og mennirnir tveir sem komu inn séu frá leyniþjónustunni. Fljótlega kemur inn starfsmannastjóri forsetans, Gloria Russell, og ákveður að hylma yfir atvikið og láta líta út eins og ræningi hafi drepið konuna. Eftir að hafa þrifið herbergið hátt og lágt, og eru farin, uppgötva þau að þau hafa gleymt bréfahnífnum. Whitney kemur út úr skápnum og tekur hnífinn og þegar þau koma til baka til að ná í hnífinn, þá sjá þau til Whitney, og elta hann, en hann kemst undan. Lögreglan rannsakar nú morðið en það er margt sem kemur ekki heim og saman í málinu, og rannsóknarlögreglumaðurinn Seth Frank grunar að hér sé maðkur í mysunni. Hann fer að gruna Whitney, en hann trúir samt ekki að Whitney sé morðingi. Whitney reynir að fara úr bænum þegar hann kemst að því hve spilltur og siðspilltur Richmond í raun er og þarf nú að takast á við ástandið sjálfur. Richmond fyrirskipar að Whitney verði að hverfa.
Aðalleikarar
Höfundar og leikstjórar
Gagnrýni notenda (1)
Skráðu þig inn til að skrifa gagnrýni
InnskráFramleiðendur
Castle Rock EntertainmentUS
Malpaso ProductionsUS
