Saw V (2008)

Rannsóknarlögreglumaðurinn Mark Hoffman (Costas Mandylor) hefur verið á hælunum á Jigsaw í langan tíma, en nú er morðinginn hættulegi loks dáinn úr krabbameini sem hafði hrjáð hann um árabil. Hoffman fær þakkir frá lögregluyfirvöldum fyrir að hafa bjargað síðasta fórnarlambi morðingjans á síðustu stundu og svo virðist sem hryllingurinn sem fylgdi Jigsaw sé loks að baki. Á sama tíma er alríkislögreglumaðurinn Peter Strahm (Scott Paterson) að rannsaka skuggalegan dauða dæmds morðingja, sem var sleppt úr fangelsi vegna tæknigalla. Hafði hann verið myrtur í flókinni gildru sem ber mörg merki Jigsaw. Því virðist sem svo að þó Jigsaw sé dáinn lifi arfleifð hans áfram. Þegar Strahm reynir að komast að því hver sé að halda áfram hinu skuggalega starfi sem Jigsaw hóf lendir hann fljótt í því að hann þarf sjálfur að fara að berjast fyrir lífi sínu.