Where the Wild Things Are (2009)

Where the Wild Things Are segir frá stráknum Max (Max Records), sem er einmana, skapstór og með mjög fjörugt ímyndunarafl. Eftir að hafa lent í kjánalegu rifrildi við móður sína strýkur hann að heiman. Hann hleypur burt og út úr húsinu, niður að strönd, finnur þar yfirgefinn seglbát og leggur af stað út á sjó. Eftir langa siglingu kemur hann að eyju og gengur á land. Þar hittir hann fyrir mjög undarlegar verur, m.a. hinn hvatvísa Carol, hinn milda Ira og stjórnsama kærustu hans, Judith. Þau taka á móti honum með tortryggni en Max bjargar sér úr klípunni með því að lýsa því yfir að hann sé mikill konungur með töfrahæfileika og geti bætt líf allra á eyjunni. Í stutta stund er þessi staður algjört himnaríki fyrir drenginn þar sem allir kunna að lifa lífinu, en vandræðin eru rétt að byrja því skepnurnar halda að Max sé kominn til að leysa vandamál þeirra.