Let Me In (2010)

Spennumyndin Let Me In gerist í upphafi níunda áratugarins og segir frá hinum tólf ára gamla Owen, sem býr í afskiptum smábæ í Nýju-Mexíkó. Það gerist fátt í þessum bæ og því er fátt sem getur dregið athygli Owen frá því hversu afskiptur hann sjálfur er af foreldrum sínum og hversu illa er komið fram við hann í skólanum. Þar er hann lagður gegndarlaust í einelti af hrottum skólans og fær hann litla hjálp frá kennurum eða fjölskyldu. Líf Owens breytist svo skyndilega þegar fullorðinn maður og dóttir hans flytja inn í blokkina sem hann býr í. Hann kynnist dótturinni, Abby smám saman, en þau eru á sama aldri og myndast brátt vinskapur með þeim, vinskapur sem hann hefur ekki notið áður. Hún hjálpar honum að kljást við hrottana í skólanum og virðist búa yfir innri styrk sem Owen hrífst af. Hins vegar kemur einnig fljótlega í ljós að Abby er ekki eins og aðrir krakkar á hennar aldri, sér í lagi þegar kemur að því hvenær hún getur verið utandyra, hvernig heimilið hennar er og ekki síst hvað henni finnst gott að borða.