Sammy's Adventures (2010)

Þrívíddarteiknimyndin Sammy‘s Adventures segir frá skjaldbökunni Sammy, en hann klekst út á yfirgefinni strönd og er klófestur af mávi um leið og hann skríður upp úr hreiðursholunni sinni. Honum tekst að sleppa úr klóm hans, sem og annarri skjaldböku, Shelly, en lendir úti á miðju hafi, þar sem hann týnir Shelly en hittir aðra skjaldböku, Roy. Roy hefur heyrt sögur af skjaldbökuparadís sem heitir Lapagos og leggja þeir því af stað í áttina þangað. Ferðin sú á þó eftir að reynast þrautin þyngri, því Sammy rekur á land í Kaliforníu og er tekinn í fóstur af hippakonu og verður gæludýrið hennar um tíma, áður en hann ákveður að snúa til sjávar á ný. Þar hittir hann fleiri skjaldbökur, þar á meðal æskuvinkonuna Shelly. Ævintýri þeirra eru þó hvergi nærri á enda komin og á áralangri ferð þeirra til fyrirheitnu eyjunnar lenda þau í fjöldanum öllum af hremmingum og stórum upplifunum, sem eiga eftir að leiða þau á óvænta staði.