Fair Game (2010)

Flett var ofan af Valerie Plame sem njósnara, af embættismönnum í Hvíta húsinu, að því er talið er til að koma höggi á eiginmann hennar. Þetta gerðist í kjölfar greinar sem hún skrifaði í dagblaðið The New York Times þar sem hún sagði að Bush stjórnin hefði hagrætt upplýsingum í leyniskjölum um gereyðingarvopn í írak, til að réttlæta innrás í landið. Valerie Plame var á yfirborðinu bara venjuleg húsmóðir og eiginkona bandaríska þingmannsins Josephs Wilson. Fáir vissu að hún var í raun einn af millistjórum CIA , leyniþjónustu Bandaríkjanna. Í aðdraganda innrásar bandaríska hersins í Írak lögðu bandarískir ráðamenn mikla áherslu á að ástæðan væri fyrst og fremst óttinn við gjöreyðingarvopn Saddams Hussein. Joseph var fengin til að sýna fram á að Írakar hefðu m.a. keypt úran af Afríkuríkinu Niger, en niðurstaða hans var sú að sagan væri úr lausu lofti gripinn. Á þessu tók ríkisstjórn Bush ekkert mark og stakk skýrslu Josephs undir stól. Hann ákvað þá að skrifa grein um málið í New York Times og setti um leið í gang atburðarás sem átti eftir að valda bæði honum og Valerie miklum skaða.