The Hunchback of Notre Dame (1996)

Sögusviðið er París á 15. öld. Brúðugerðarmeistarinn Clopin segir söguna af góðhjartaða kroppinbaknum Quasimodo sem hefur það starf að hringja bjöllunum í Notre Dame dómkirkjunni í París. Quasimodo var nærri því drepinn sem ungabarn af Claude Frollo, dómsmálaráðherra. En Frollo var neyddur til þess af erkidjákna Notre Dame, að ala Quasimodo upp sem sinn eigin son. Núna er Quasimodo orðinn ungur maður en Frollo hefur alla tíð falið Quasimodo fyrir umheiminum, og geymt hann í kirkjuturninum í Notre Dame. Á hátíðisdegi fíflanna eitt árið, ákveður Quasimodo að taka þátt í hátíðarhöldunum eftir að hafa fengið hvatningu frá vinum sínum Victor, Hugo og Laverne. Þar hittir hann líflega og skemmtilega sígaunastelpu sem heitir Esmeralda, og hinn myndarlega hermann Phoebus. Þau þrjú eiga það sameiginlegt að vera ósátt við grimmd Frollos, sem vill eyðileggja heimili sígaunanna í Miracle garði. Quasimodo þarf núna að vernda bæði Esmeröldu og sjálfa Notre Dame dómkirkjuna.