Bright Star (2009)

Hin sannsögulega Bright Star gerist árið 1818 í London. Segir myndin frá ljóðskáldinu John Keats (Ben Whishaw) og sambandi hans við stúlkuna úr næsta húsi, hina fögru Fanny Brawne. Fanny hefur meiri áhuga á tískufatnaði en ljóðlist og því eru fyrstu kynni þeirra stirð í meira lagi, en þegar yngri bróðir Johns verður veikur og Fanny býðst til að hjálpa þeim, kynnir hann hana fyrir ljóðlist sinni og þau verða brátt yfir sig ástfangin hvort af öðru. Þegar ofverndandi móðir Fanny og besti vinur Johns komast að raun um sambandið er of seint fyrir þau að stöðva þá braut sem það er komið á. Þau eru gagntekin hvort af öðru og svífa á rósbleiku skýi ástarinnar, en það líður ekki á löngu þar til vandræðin fara að gera vart við sig í lífi þeirra beggja...