To the Wonder (2012)

Neil er Bandaríkjamaður á ferð í Evrópu sem hittir Marinu og verður ástfanginn af henni. Hún er fráskilin einstæð móðir frá Úkraínu og á 10 ára dóttur, Tatiana. Þær búa saman í París. Elskendurnir fara til Mont St. Michel, klausturs á eyju undan strönd Normandí, þar sem þau njóta lífsins. Neil býður Marina að flytja með sér til Bandaríkjanna, til Oklohoma, ásamt Tatiana. Hann fær sér vinnu sem umhverfisfræðingur og Marina kemur sér vel fyrir í Bandaríkjunum. Eftir nokkurn tíma fer ástin að kólna hjá þeim. Marina fær hugsvölun í að eyða tíma með öðrum útlaga, kaþólska prestinum séra Quintana, sem er farinn að efast um trúnna. Aukið annríki og sífellt meiri efi, gerir það að verkum að Neil fjarlægist Marina, sem snýr aftur til Frakklands með Tatiana, þegar dvalarleyfi hennar rennur út. Neil tekur aftur upp samband við Jane, gamla kærustu. Þau verða ástfangin þar til Neil kemst að því að Marina lendir í fjárhagslegum erfiðleikum. Hann finnur til ábyrgðar gagnvart henni, og tekur upp þráðinn með henni að nýju eftir aðra ferð til Frakklands. Hún kemur aftur með honum til Bandaríkjanna, og heldur áfram bandarísku lífi sínu þar sem frá var horfið. En hinar gömlu sorgir koma aftur að lokum.