Þegar mikið liggur við

Þegar koma þarf í veg fyrir sölu á nýrri gereyðingartækni í kapphlaupi við vopnasalann og milljarðamæringinn Greg Simmonds (Hugh Grant) dugar ekkert minna en að fá súpernjósnarann, Orson Fortune (Jason Statham) í málið. Þetta er það sem kvikmyndin Operation Fortune fjallar um en myndin kom í bíó nú um helgina.

Grjóthörð þrenning.

Hann lætur tregur til leiðast og fær í lið með sér einvalalið bestu útsendara í heiminum. Hann virkjar líka með sér stærstu stjörnuna í Hollywood, Danny Francesco (Josh Hartnett) í leiðangurinn til að bjarga heiminum.

Operation Fortune: Ruse de guerre (2023)

Ekki aðgengileg á veitum á Íslandi
Rotten tomatoes einkunn6.7
Rotten tomatoes einkunn 68%

MI6 fulltrúinn Orson Fortune og teymi hans ráða eina stærstu kvikmyndastjörnu í Hollywood til að hjálpa sér í háleynilegu verkefni, þegar sala á stórhættulegri nýrri vopnatækni ógnar öllum heiminum....

Ekki til óprúttinna aðila

Málið snýst um að ná aftur stolnum hlut, sem kallaður er „The Handle“. Hvorki skuggalega leyniþjónustan sem stendur á bak við aðgerðina né teymið sem á að ná hlutnum vita hvað þetta andstyggilega fyrirbæri er. Öllum er hins vegar kunnugt um að verðmiðinn er tíu milljarðar Bandaríkjadala og „The Handle“ má alls ekki komast í hendur óprúttinna aðila.

Fyrst saman í frumrauninni

Leikstjórinn, Guy Ritchie, og Jason Statham unnu fyrst saman í myndinni Lock, Stock and Two Smoking Barrels, sem var frumraun Ritchies í leikstjórn og myndin sem gerði Statham að stjörnu. Þeir unnu líka saman í Snatch, sem sló heldur betur í gegn, auk þess að gera saman Revolver og nýlega tryllinn Wrath of Man.

Í Operation Fortune færa þeir félagar okkur njósnatrylli sem heldur betur passar inn í Guy Ritchie-stílinn sem leyfir spennunni og kímninni að njóta sín þannig að þær styðja hvor aðra.

Aðalhlutverk: Aubrey Plaza, Hugh Grant, Jason Statham, Euginia Kuzmina, Cary Elwes og Josh Hartnett

Handrit: Ivan Atkinson, Marn Davies og Guy Ritchie

Leikstjórn: Guy Ritchie