City of Angels (1998)

Seth er eirðarlaus engill sem er á vakt í Los Angeles. Hans verkefni er að hugga þá sem eiga um sárt að binda, og fylgja þeim sem deyja til himna. Seth og engillinn vinur hans, Cassiel, velta því oft fyrir sér hvernig það væri nú að vera mannlegur. Þeir geta ekki fundið snertingu, bragð eða annað sem menn geta, og Seth dauðlangar að geta gert þetta. Tækifærið gefst skyndilega þegar hann hittir Dr. Maggie Smith, hjartaskurðlækni, sem er nýbúin að missa sjúkling. Hún tekur það afar nærri sér, og byrjar nú að efast um eigið ágæti. Á þeirri stundu, ákveður Seth, sem alla jafna er ósýnilegur, að gera sig sýnilegan fyrir Maggie. Hann huggar Maggie, og verður ástfanginn af henni, og hún endurgeldur honum ástina. Nú þarf Seth að ákveða hvort hann ætlar að vera áfram mannlegur, eða halda áfram að vera engill. Hann fær hjálp frá Nathaniel Messinger, einum af sjúklingum Maggie, og brátt þarf Seth að taka þessa stóru ákvörðun.