The Name of the Rose (1986)

Sagan gerist árið 1327. Munkur hefur látið lífið með afar dularfullum hætti í munkaklaustri Benediktusarreglunnar. Munkarnir eru sannfærðir um að heimsendir sé í nánd. Þar sem klaustrið á að vera ráðstefnustaður fyrir Fransiskureglumunka áður en langt um líður, þar sem ræða á um hvort að reglan eigi að losa sig við öll efnisleg gæði, þá er virtur munkur frá Fransiskureglunni, William af Baskerville, sendur til að rannsaka hið ótímabæra og dularfulla dauðsfall. Eftir því sem rannsókninni vindur fram þá láta fleiri lífið með sama dularfulla hættinum og leyndarmál klaustursins koma í ljós. Sérlegur rannsóknarmaður kirkjunnar fer að beita sér í málinu og William og ungur aðstoðarmaður hans þurfa að keppa við tímann til að sanna sakleysi þeirra sem hafa verið ranglega ásakaðir um morðin, og til að forðast reiði rannsóknarmanns kirkjunnar, Bernardo Gui.