EuroTrip (2004)

Miðskólanemandinn frá Ohio í Bandarikjunum, Scott Thomas, er góður strákur og góður nemandi - nokkuð fyrirsjáanlegur reyndar - en hann er um það bil að fara að útskrifast, og svo ætlar hann í undirbúningsnám fyrir læknaskóla. Þegar kærastan hans Fiona segir honum upp á útskritardaginn, þá koma ýmsir til hans til að stappa í hann stálinu, þar á meðal þýski pennavinur hans Mike. Scott og Mike virðast búa yfir sérstöku vinasambandi, og þegar Mike fer að reyna við Scott, nú þegar Fiona er ekki lengur í spilinu, þá sendir Scott honum skilaboð um að hann vilji aldrei heyra frá honum framar. Stuttu síðar þá kemst Scott að því að Mike er í raun og veru falleg stúlka að nafni Mieke, en þegar það gerist þá er hún hætt að svara honum. Nú þegar Scott heldur að Mieke sé sú sem honum sé ætlað að vera með, þá ákveður hann að fara til Berlínar til að vera með henni. Hann leggur upp með vini sínum Cooper Harris, sem þráir að eltast við stelpur. Þeir ná flugi til Lundúna, og þurfa að fara þaðan til Berlínar með viðkomu í París, en þar hitta þeir miðskólafélaga sína, tvíburana Jenny og Jamie, sem eru á bakpokaferðalagi í gegnum Evrópu. Scott og Cooper finnst þær vera ólíkustu tvíburar sem þeir hafa nokkru sinni kynnst, Jamie er gangandi alfræðiorðabók, og Jenny er strákastelpa. Þau fjögur reyna núna að komast til Berlínar, og lenda í ýmsum ævintýrum á leiðinni. Scott vonar að öll þessi vandamál séu þess virði að lenda í þeim, og Mieke sé dís drauma hans.