Thor (2011)

Þrumuguðinn Thor hefur komið sér í klípu nú hefur hann með gáleysi og hroka kveikt undir fornu stríði sem kulnað var í. Þá fær Odin faðir hans endanlega nóg og kastar honum úr Ásgarði. Refsing hans skal vera að dvelja á jörðinni, þar sem vísindamaðurinn Jane Foster verður á vegi hans í þann mund sem hann fellur til jarðar. Hún hefur mikinn áhuga á undarlegum merkingum sem hafa fundist á yfirborði plánetunnar og hefur á tilfinningunni að þessi athyglisverði aðkomumaður geti veitt henni frekari innsýn í málið. Ekki líður á löngu þar til þau fara að fella hugi saman. En Thor fær ekki að ganga lengi meðal manna óáreittur. Stríðið sem olli brottvísun hans úr ríki föður hans eltir hann til jarðar þar sem myrkasta skuggavera Ásgarðs sendir heri sína á eftir honum. Nú þarf hann að gera upp við sig hvort hann er sá hrokagikkur og ónytjungur sem faðir hans telur hann vera, eða hetjan sem jörðin þarfnast helst.