Fáar bíómyndir hafa komið jafn rækilega á óvart og þessi ástralska mynd um litla grísinn Badda sem langaði svo mikið að vera alvöru fjárhundur. Hún var fyrsta teiknimyndin sem var tiln...
Babe (1995)
"A little pig goes a long way."
Babe fjallar um lítinn grís sem horfir á þegar mamma hans hlýtur sömu örlög og allir hafa hlotið svo lengi sem elstu svín muna; sett upp á vörubílspall og ekið í burtu.
Deila:
Öllum leyfðHvar má horfa
Leiga
Söguþráður
Babe fjallar um lítinn grís sem horfir á þegar mamma hans hlýtur sömu örlög og allir hafa hlotið svo lengi sem elstu svín muna; sett upp á vörubílspall og ekið í burtu. Svo er farið með litla grísinn hennar mömmu sinnar á markaðinn í sveitinni. Þar sjá forlögin til þess að leiðir bóndans Arthurs Hoggetts og Babe litla liggja saman. Báðir skynja að þessi kynni eiga eftir að verða örlagarík. Heima á bænum taka sum dýrin Babe opnum klaufum en nokkrar skepnur afhjúpa eigið svínslegt eðli með framkomu sinni við litla vingjarnlega grísalinginn. Babe er hins vegar staðráðinn í því að verða ekkert venjulegt svín og forðast í lengstu lög þau örlög sem svínum eru búin. Hann afræður að brjótast úr viðjum samfélagsins á bóndabænum, komast í ábyrgðarstöðu í dýraríkinu og gerast fjársvín. Hann kemur sér því í fóstur hjá Collie-hundinum á bænum, Fly, og lætur háðsglósur kattarins og annarra smásálna í umhverfinu sem vind um eyrun þjóta en heldur uppi röð og reglu í hjörðinni. Babe uppsker svo eins og hann hefur til sáð þegar hann tekur þátt í keppni smalahunda í héraðinu. Þar ræðst framtíð hans og svar fæst við spurningunni um hvaða framtíð bíði litla sæta gríssins.
Aðalleikarar
Höfundar og leikstjórar
Gagnrýni notenda (1)
Skráðu þig inn til að skrifa gagnrýni
InnskráFramleiðendur
Universal PicturesUS
Kennedy Miller ProductionsAU
Verðlaun
🏆
Hlaut Óskarsverðlaun fyrir bestu tæknibrellur, var einnig tilnefnd fyrir besta leikara í aukahlutverki (James Cromwell), besta handrit byggt á skáldsögu, besta mynd, besta klipping, besti leikstjóri og besta sviðsmynd
