Mighty Joe Young (1998)

Myndin hefst þegar veiðiþjófar ráðast á hóp af górillum. Dýraverndunarmenn berjast gegn veiðiþjófunum sem endar með því að ein górilla og móðir ungs barns deyr. Í öllum atganginum þá ræðst tiltölulega stór górilluungi á aðalveiðiþjófinn og bítur af honum þumalfingur og vísifingur. Næst hoppum við fram í tíma en þá er unga stúlkan sem missti móður sína orðin fullorðin og górillan er orðin risastór og vegur 900 kg. Þau eru bestu vinir og leika sér saman. Þegar veiðiþjófar birtast á nýjan leik, þá sannfærir einn fulltrúi náttúruverndarsamtaka Kaliforníu hana um að flytja górilluna, sem hún kallar Joe Young, í dýraathvarf. Þegar þau eru komin þangað þá birtist aðal veiðiþjófurinn á nýjan leik og leitar hefnda. Þetta endar með því að hann fer að hrella górilluna, en górillan sleppur út og hræðir nú íbúa Los Angeles borgar.