The Hangover Part II (2011)

Phil, Stu, og Alan fara í ferðalag til Bangkok til að vera við brúðkaup Stu. Þar lenda þeir hinsvegar aftur í því að drepast eftir fyllerí, og vakna í þynnku dauðans, og þurfa að fara að rifja upp hvað gerðist eiginlega um nóttina. Hafandi brennt sig á syndaborginni Las Vegas ákveða þeir að einfaldur hábítur í Bangkok geti ekki mögulega farið úr böndunum. Þeir telja það meira að segja svo pottþétt að þeir ákveða að taka litla bróður kærustu Stu, hinn áhrifagjarna Teddy, með í ferðalagið. Allt fer að sjálfsögðu úrskeiðis og vakna vinirnir upp við þann vonda draum að hafa týnt Teddy, fengið sér tattú í andlitið og á einhvern ótrúlegan hátt eignast apa. Þá er bara að reyna að rekja spor sín frá hinum ó svo saklausa hábít til þessa stórslyss sem þeir hafa komið sér í og vona að einhversstaðar á leiðinni finnist Teddy. Það sem gerist í Vegas, verður kannski eftir í Vegas, en það sem gerist í Bangkok er óhugsandi.