The Hangover (2009)

Guð minn almáttúgur!!!!!!! Þessi mynd er svakaleg! Sko, ég var ekki búin að sjá trailerinn, vissi að gaurinn úr Yes Men leikur í henni, vissi ekkert um hvað hún var, en hélt að að þetta væri en ein ameríska klisjan. En vá, hún hefur gott handrit, flottan leik og asnalega góðan húmor!!! Maður truflast af hlátri. Þetta er sami gaurinn og skrifað "Starsky & Hutch", sem var mjög léleg, en náði að bæta sig.....mjög mikið og það vel.

Söguþráðurinn er einfaldur, 4 menn fara til vegas, missa sig, vakna, einn er horfinn, verða að finna hann en þeir muna ekki neitt. Hversu fyndið er það? Handritið er æðislegt. Hefur flottan húmor en fjölbreytan. Hann er bæði pínu sick og líka asnalegur. Eina sem handritið mátti gera var að útskýra aðeins meira og kannski segja aðeins meira frá persónum myndarinar. Mátti vera aðeins lengri.

By the way, hvaðan kemur þessi hæna?

Tók einnhver annar eftir því persónan Alan var (sem er líka vel skrifaðasti karakterinn)? Ef þið takið smá eftir þá er hann mjög sérstakur karakter. En gallarnir sem ég er búin að nefna eru smágallar, ekkert til þess að væla yfir.

Öll myndin var mjög svöl og asnalega fyndin. Ég er ennþá glaður að hafa farið á hana og kom brosandi útúr bíóinu. Betri gaman-myndum sem hafa komið út á þessu ári, eiginlega besta. En eitt, afhverju setja myndina í digital sýningu? Þurftum við að heyra brandarana hærra? Annars, myndin er góð, mæli með henni!

Ég fór á þessa mynd í bíói á fimmtudaginn algjörlega út af félagspressu var að búast við einhverri seth rogen legri mynd sem lætur mann hlæja annað slagið en er ekkert varið í. Ég varð fyrir skemmtilegri óvæntri ánægju þegar ég sá myndina. Það eru ekki margir frægir leikarar í henni fyrir utan heather graham en stóðu þeir sig með prýði. Hvert einasta atriði kom manni á óvart og vissi maður ekkert hvað myndi gerast næst. Maður þarf endrum og eins að horfa á svona skemmtilegar myndir til að koma sér í gott skap. Það komu allir brosandi út úr bíóinu og er enginn furða að þetta sé sumarsmellurinn í ár. Eina sem hefði mátt breyta við myndina er endirinn, ætla ekki að gefa hann upp hér í umfjölluninni en er hann að mínu mati of týpískur miðað við ótýpískan söguþráð.

Ég var ánægð að hafa séð þessa mynd og mæli með henni fyrir langflesta, á öllum aldri sem vilja skemmta sér í sumar!

Alveg dúndurskemmtileg gamanmynd um þynnkudag í Las Vegas eftir alvarlegt drykkju(og deyfilyfja)kvöld. Þrír vinir vakna, búnir að týna þeim fjórða og muna ekki jack shit. Eftir það hefst steikt og ógleymanleg atburðarrás. The Hangover er eiginlega nokkuð góð, þrátt fyrir að hafa fengið góða dóma þá einhvernveginn voru væntingar mínar í lágmarki en það var kannski aðallega vegna þess að ég bjóst við allt öðruvísi mynd. Karakterarnir eru allir viðkunnalegir og vel skrifaðir og mér fannst gaman af þeim öllum(jájá aukaleikurunum líka). Stærsti kosturinn við The Hangover er sá hvað hún er þvílíkt spennandi, maður vill alltaf sjá hvað gerist næst og svo er hún mjög fyndin líka. Endirinn er reyndar hálf slappur og lækkar myndin smávegis í einkunn út af því. Pínu bömmer fyrir svona smellna mynd en ljósmyndirnar við hliðina á kreditlistanum(sjáið myndina þá fattiði) varpa betur ljósi á hvað gerðist og bindur alla lausa enda. Tvímælalaust mynd yfir meðallagi.

The Hangover er nýjasta mynd leikstjórans Todd Phillips sem hefur fært okkur frábærar gamanmyndir á borð við Road Trip og hina æðislega fyndnu mynd Old School.

Doug er að fara giftast ástinni sinni. En áður en að því kemur ákveða félagar hans Phil, Stu og Alan ásamt honum að halda síðasta steggjapartýið fyrir hann áður en hann fer í hjónabandið. Og hvar er betra að halda það en á þeim magnaða stað sem Las Vegas er!!! En það sem þeir félagar eiga eftir að komast að er það sem gerist í Vegas, stays in Vegas.

Todd Philips safnar hér saman hreint út sagt frábærum hópi saman af leikurum sem enginn örugglega þekkir ekki, og útkoman er hreint út sagt frábær.

Bradley Cooper er leikari sem fólk ætti að þekkja eftir þessa mynd. Hann hefur samt oftast bara fengið aukahlutverk, en ætti að vera þekktur þeim sem horfa á Alias. En hér fær stjarna hans að skína bjart, og er hann bara mjög fínn sem Phil og vonandi fáum við að sjá hann skína enn betur með The A-Team.

Ed Helms er leikari sem ég þekki ekki mikið til, en fólk sem horfir á The Office mikið ættu að þekkja hann sem Andy. Það sést út í gegn að hann var að fíla að leika Stu, gaurinn sem er hvað óöruggastur og varkárastur af öllum í hópnum. Það er alveg magnað að sjá hvað hann nær alltaf að breyta karakter sínum alveg út alla myndina, og er það hrikalega fyndið að horfa á.

Zach Galigianakis er samt alveg bókað steluþjófur þessarar myndar. Túlkun hans á hinum verulega steikta karakter sem Alan er er vægast sagt sprenghlægileg. Það var alveg sama hvað hann var að gera í myndinni, ég hló alltaf yfir honum.

Heather Graham fær lítið að gera hér annað en að sýna að hún er falleg sem mellan Jade, og gerir það á ágætan hátt í einu atriðinu.

Og loks fær Jeffrey Tambor lítið sem ekkert að sjást, en þær línur sem hann fær skilar hann frá sér frábærlega.

Einnig voru sum lögin sem voru notuð í myndinni mjög góð og hentuðu vel fyrir hverju atriði sem það lag var notað í.

Þannig að lokaniðurstaða mín er: The Hangover er mynd sem allir ættu að fíla sem eru fyrir ágætlega grófan húmor og frábærar gamanmyndir yfir höfuð.

Fær 8 af 10 hjá mér.

P.s. Ekki fara eftir lok myndarinnar því lokaatriðið eftir myndina er eitt það fyndnasta sem ég hef séð í langan tíma. Og vel þess virði að horfa á.

Þessi mynd fór mikið, mikið, mikið fram úr væntingum. Fór á hana og beið eftir tonn af aulabröndurum a la Adam Sandler en samt smá góðum út af jákvæðum hjá þeim fáum sem eru búnir að sjá hana. Allavega, auðvitað er smá aulabrandarar en mjög fyndnir og ég var líka aðeins ,,skeptic'' yfir vegas-hugmyndinni sjálfri.

Leikararnir eru mjög fyndnir og Cooper virkar vel, tannlæknir (gleymdi nanfinu) er nátturulega æfður en mér fannst Alan standa upp úr þríeykinu. Myndin er samt auðgleymanleg, tók strax eftir því eftir myndinni en á meðan myndin stendur er hún ógeðslega skemmtileg grínmynd, örugglega fyndnasta myndin á árinu og verður fyndnasta myndin á árinu!

8/10
Ekki mynd til að horfa oft á en örugglega enn skemmtileg í annað skiptið

Það getur verið svo yndislegt að horfa á aulabárða gera klikkaða hluti undir semi-raunhæfum kringumstæðum... en þá bara ef húmorinn er góður, sem hann svo sannarlega er í þessu tilfelli. The Hangover er geysilega skemmtileg og viðeigandi brjáluð gamanmynd sem tekur þreyttan söguþráð (reynið að sjá fyrir ykkur bræðing af Bachelor Party og Dude, Where's my Car?) og gerir afbragðsgóða hluti við hann með hjálp frá fersku og óvenju vel skrifuðu handriti ásamt höggþéttum hópi af leikurum.Flæði myndarinnar er akkúrat eins og það á að vera, enda aldrei langt á milli góðra brandara og það skiptir öllu þegar um svona mynd er að ræða. Myndin er á engan hátt frábær í heild sinni en hún er frábær skemmtun og hélt mér persónulega í góðu skapi og gargandi reglulega af hlátri frá upphafi til enda. Ekki svona "Hvílík snilld/tár-í-augun" hlátur, heldur meira "díses-kræst-hvað-þetta-er-steikt/sjúkt" hlátur. Það kemur samt undarlega á óvart að langbestu brandararnir (þannig séð) eru í lokin, meðan kreditlistinn er í gangi. Þar slær ræman á rétta strengi og sendir mann burt með glottið gjörsamlega heftað við smettið.Skemmtilega sérvitur hópur þremenninga sér um að halda fjörinu uppi. Leikararnir eru kunnuglegir, en enginn þeirra er orðinn að "nafni," ennþá. Ég er ekki viss um að þessi mynd hefði haft gott af því að nota fræg nöfn svosem Seth Rogen eða Seann William Scott, því Bradley Cooper, Zach Galifinakis og Ed Helms smellpassa allir í rullurnar sínar. Hver einasti hefur sérstakan persónuleika og getur verið fyndinn án þess að virka píndur. Ég hafði miklar áhyggjur af því að Galifinakis myndi þreytast út með "Fat Jesus" persónu sinni, en í ljós kom síðan að hann hélst meinfyndinn út allan tímann og stal hverri senu á eftir annarri ("Tigers love pepper, they hate cinnamon"). Justin Bartha kemur líka vel út sem týndi félaginn með takmarkaða skjátímann en aldrei bjóst ég við að hlæja að honum eftir dauðar tilraunir til húmors í National Treasure-myndunum. Ef ég ætti að setja út á einhvern leikara myndi það sennilega vera Ken Jeong, sem elskar augljóslega að ofleika og fannst mér línurnar hans flestar reyna of mikið til þess að geta orðið fyndnar. Með aðeins lágstemmdari framkomu hefði hann getað orðið æðislegur, enda var hann sjúklega eftirminnilegur sem "kóngurinn" í Role Models og læknirinn í Knocked Up.Hvað gagnrýni varðar þá er algjör óþarfi að kryfja myndina meira. Markmið The Hangover er einfalt og það sjá allir að það eina sem bíttar einhverju er skemmtanagildið og húmorinn, og ég gef hvoru tveggja mín meðmæli. Kannski ég ætti að bæta því stutt við að tónlistin er einnig stórfín og nýtist í fáein skipti sem djókur í sjálfu sér. Bestu dæmin eru Who Let the Dogs Out? Phil Collins og The Belle Stars (sum ykkar hljótið að fatta hvaða mynd er þar verið að vitna í!).Mér finnst gaman að sjá að Todd Phillips hefur góðan húmor eftir allt saman. Það er orðið alltof langt síðan hann gerði eitthvað sem hægt væri að kalla ágætis gamanmynd og ég vona að hann haldi svona "rugli" áfram.7/10