Hinn bleiki og fullkomni heimur Barbie heldur áfram að heilla íslenska bíógesti, eins og reyndar í Bandaríkjunum og víðar. Nýlega fór myndin yfir eins milljarðs dala tekjumarkið í Bandaríkjunum en Greta Gerwig leikstjóri er fyrsti kvenleikstjórinn sem nær þeim stóra áfanga.
Hér á Íslandi siglir Barbie óðfluga að eitt hundrað milljóna króna markinu en eftir sýningar síðustu helgar eru tekjur myndarinnar rúmar 93 milljónir króna samtals.
![](https://kvikmyndir.dv.is/wp-content/uploads/2023/07/image-13.png)
Nolan áfram í öðru sæti
Í öðru sæti íslenska bíóaðsóknarlistans er Oppenheimer, mynd Christopher Nolans, en í því þriðja er ný mynd, Meg 2: The Trench, með megatöffaranum Jason Statham í aðalhlutverki að slást við risaeðlur og ofurhákarla.
Hin nýja mynd síðustu helgar, Haunted Mansion, fer beint í sjötta sæti listans.
Sjáðu aðsóknarlistann í heild sinni hér fyrir neðan:
![](https://kvikmyndir.dv.is/wp-content/uploads/2023/08/image-3-1024x368.png)