The Ninth Gate (1999)

Dean Corso býr í New York. Hann braskar með bækur sem hann er sérfræðingur í, og er félagi Bernie, sem á bókabúð. Þekktur safnari bóka um djöfulinn, Boris Balkan, hefur samband við hann en hann er nýbúinn að kaupa hina mjög svo sjaldgæfu The Nine Gates of the Kingdom of Shadows frá safnaranum Andrew Telver, og vill að Corso sannreyni hvort bókin er ekta eða fölsuð. Balkan segir að bókin hafi verið samin af rithöfundinum Aristide Torchia, árið 1666, í samvinnu við Lúsífer sjálfan, og hann hafi verið brenndur á báli ásamt öllum verkum sínum. Aðeins eru til þrjú eintök að talið er af The Nine Gates, en í bækurnar er grafin myndgáta sem á að særa fram djöfulinn. Corso er efasemdarmaður, en tekur að sér verkefnið og flýgur til Sintra í Portúgal og Parísar í Frakklandi til að tala við eigendur hinna tveggja eintaka bókarinnar, Victor Fargas og Kessler barónessu. Á sama tíma þá biður hann Bernie að fela hina sjaldgæfu bók. Áður en hann fer til Evrópu, þá vill Liana Telfer endurheimta bókina, og á síðan samræði við Corso, en hann lætur bókina ekki af hendi. Þegar Corso kemur í bókabúðina aftur, þá kemur hann að vini sínum myrtum í búðinni, í sömu stellingu og myndin sem er grafin á bókina. Corso fer til Toledo á Spáni til að hitta Ceniza tvíburana, og fær þar meiri upplýsingar um The Ninth Gate. Í ferð sinni til Evrópu þá er hann eltur af Liana og lífverði hennar, sem er meðlimur í The Order of the Silver Serpents, en fær vernd frá dularfullri stúlku með yfirnáttúrulega hæfileika. Á sama tíma eru eigendur hinna tveggja eintaka bókarinnar myrtir. Corso verður heltekinn af bókinni og ljóstrar upp sannleikanum um hana.