Resident Evil: Apocalypse (2004)

Alice vaknar upp eftir hrikalegan svefn og sér að versta martröð hennar er orðin að veruleika - hinir blóðþyrstu uppvakningar sem hún og úrvalsher, börðust við og reyndu að eyða, herja nú á borgina sem umkringir leynilegt aðsetur Regnhlífafyrirtækisins. Alice uppgötvar að hún var tilraunadýr hjá Regnhlífasamtökkunum, og búið er að breyta henni líftæknilega, sem þýðir að hún hefur meiri styrk, betri skynjun og lagni en annað fólk, og henni veitir ekkert af þessum hæfileikum. Mitt í hinni eyðilögðu borg Raccoon, er lítill hópur fólks sem ekki er smitað, þar á meðal er Jill Valentine, sem var nýlega lækkuð í tign í sérsveit Regnhlífasamtakanna og leiðtogi sérsveitarinnar, S.T.A.R.S., Carlos Oliveira, en þau berjast nú fyrir lífi sínu á móti hópum uppvakninga, en eru smátt og smátt að verða uppiskroppa með birgðir og vonin er farin að dvína. Alice bjargar hópnum, og þau setja kraft í bardagann áður en Regnhlífasamtökin eyða uppgötvun sinni fyrir fullt og allt. Einu von þeirra er að finna í Raccon borg, en Dr. Charles Ashford, einn af lykil vísindamönnum Regnhlífasamtakanna, mun hjálpa Alice og hinum að flýja borgina, svo lengi sem þau finna dóttur hans. Angie Ashford varð viðskila við föður sinn og felur sig nú dauðhrædd. Alice, Jill og Carlos, verða að berjast við her uppvakninga til að bjarga henni. Á sama tíma er búið að breyta leynivopni að nafni Nemesis þannig að það er fullkomnara en Alice, og hefur verið forritað til að elta þau og eyða þeim. Nú þarf hópurinn á öllum sínum styrk að halda til að halda ell í sögulegum bardaga.