The Witches of Eastwick (1987)

Bestu vinkonurnar, myndhöggvarinn Alex Medford, sellóleikarinn Jane Spofford og rithöfundurinn Sukie Ridgemont, eru tilfinningalega og kynferðislega bældar. Eftir síðasta spjall þeirra um skort á boðlegum karlmönnum í bænum þar sem þær búa, Eastwick, þar sem þær lýsa hvaða eiginleikum þær leita eftir í fari karlmanna, þá birtist hinn dularfulli Daryl Van Horne og þjónn hans Fidel í bænum. Þó að Daryl sé grófur, blygðunarlaus og ekkert sérstaklega myndarlegur, þá tekst honum að spila á fínustu strengi í vinkonunum, og tæla hverja og eina þeirra. Þetta veldur því að konurnar þrjár blómstra tilfinningalega og kynferðislega. Eftir atvik með einum af broddborgurum bæjarins, hinni mjög svo íhaldssömu Felicia Alden, fara konurnar þrjár að átta sig betur á því afhverju Daryl tekst að heilla þær jafnmikið og hann gerir...