Jaws 2 (1978)

Litla sumarleyfiseyjan Amity reynir nú að lokka ferðamenn aftur á staðinn, eftir að hafa orðið fyrir miklu fjárhagslegu tjóni eftir skelfilegar hákarlaárásir fjórum árum fyrr. Bæjarstjórinn Larry Vaughn er afar ánægður að fá á staðinn verktakann Len Peterson sem ætlar að byggja nýtt hótel á staðnumm. Tveir kafarar eru að rannsaka svæðið þar sem báturinn Orca sökk eftir að lögreglustjórinn Martin Brody drap þar risahákarl, fyrir fjórum árum. Þeir verða fyrir því óláni að hákarl birtist og rífur kafarana tvo í sig, en rétt áður nær annar kafaranna að smella af mynd af auga hákarlsins. Nokkru síðar er móðir að sigla á bát og dregur á eftir sér dóttur sína á táningsaldri, á sjóskíðum. Það skiptir engum togum að hákarlinn er mættur aftur á svæðið og étur dótturina, og móðirin slysast í kjölfarið til að sprengja bátinn í loft upp. Skömmu síðar finnst háhyrningur á ströndinni með risastór bitför á sér. Þegar Brody sér þetta þá veit hann að hér er aftur á ferð hvítur risahákarl, en Vaugh og Peterson vilja ekki viðurkenna að þarna sé hákarl á ferðinni ...