The Naked Gun: From the Files of Police Squad! (1988)

Myndin er endurgerð á ýmsum sketsum úr upprunalegu Police Squad gamanþáttunum. Myndin er grínmynd í stíl við Airplane myndina, en hér er í aðalhlutverkinu hinn vanhæfi lögreglumaður Drebin, sem vill alltaf ná vonda gæjanum. Hér ægir saman alls kyns fyndnum hlutum, og menn verða að hafa sig alla við til að ná þeim öllum í fyrsta áhorfi. Sagan gengur út á að Elísabet Englandsdrottning II er væntanleg til borgarinnar, og Vincent Ludwig ætlar sér að ráða hana af dögum með því að nota heilaþveginn hafnaboltaleikmann. Frank Drebin er klaufalegur rannsóknarlögreglumaður sem starfar í sérstakri deild innan lögreglunnar í Los Angeles, Police Squad. Frank kemur heim frá Beirút í Líbanon þar sem hann var í sumarfríi, þegar félagi hans í löggunni og besti vinur, rannsóknarlögreglumaðurinn Nordberg er skotinn í miðri leynilegri aðgerð. Rannsóknir Frank á morðtilræðinu á Nordberg leiða til þess að hann fer að gruna athafnamanninn virta Vincent Ludwig um verknaðinn og uppgötvar að Ludwig ætlar að heilaþvo hafnaboltaleikmann með hugarstjórnunartæki, og myrða Englandsdrottningu sem er væntanleg í heimsókn til Los Angeles í Bandaríkjaferð sinni.