Underworld: Awakening (2012)

Breska leikkonan Kate Beckinsale snýr hér aftur í hlutverki hinnar mögnuðu Selenu sem hefur leitt baráttu vampíranna fyrir tilverurétti sínum hingað til í fyrri myndunum og ávallt haft sigur. Nú þarf hún að horfast í augu við mestu ógnina sem hún og vampírurnar hafa nokkurn tíma haft yfir höfði sér og sinn versta og máttugasta óvin til þessa: Manninn. Árás mannanna er leidd af vísindamanninum Jacob (Stephen Rea) sem er harðákveðinn í að sýna hvorki vægð né miskunn. Hann hefur svarið að linna ekki árásinni fyrr en allar vampírurnar eru dauðar, og býr yfir vopni sem á að tryggja það. En Selena og þeir sem eru með henni í liði eru heldur engin lömb að leika sér við og búast nú til varnar sem aldrei fyrr, vitandi að sókn er ávallt besta vörnin og að eina leiðin til að sigra í þessu stríði er að ráðast beint inn í greni óvinarins. Og stríðið er hafið ...