Shadow Dancer (2012)

Myndin hefst árið 1973. Sprengja springur einhvers staðar í Belfast og á meðal saklausra fórnarlamba er bróðir hinnar ungu Colette McVeigh. Harmleikurinn leiðir til þess að Colette gengur í andspyrnuhreyfinguna. Mörgum árum síðar er Colette í London þar sem henni er ætlað að koma fyrir sprengju á fjölförnum stað. Hún guggnar hins vegar á verkefninu, sprengjan springur ekki og Colette er í kjölfarið handtekin af leyniþjónustunni. Leyniþjónustumaðurinn Mac sér í þessu tækifæri. Hann ákveður að bjóða Colette uppgjöf saka gegn því að hún snúi aftur til Belfast og njósni þar fyrir leyniþjónustuna um aðgerðir hryðjuverkamannanna. Að öðrum kosti verði hún dæmd til langrar fangelsisvistar. Colette telur sig ekki hafa um neitt að velja nema taka tilboðinu, ekki síst vegna þess að hún getur ekki hugsað sér að skilja við ungan son sinn. En verkefnið er stórhættulegt enda vita þeir sem hryðjuverkunum stýra að það er alltaf hætta á að njósnari sé á meðal þeirra ...