Nýtt tölublað af Myndum mánaðarins er komið út og má nálgast það strax á rafrænu formi hér á kvikmyndir.is, eins og fyrri tölublöð sömuleiðis. Dreifing er einnig hafin í verslanir og á aðra staði sem dreifa blaðinu í pappírsformi.

Það er enginn annar en Tom Cruise sem prýðir forsíðu Bíó-hlutans í hlutverki sínu í myndinni Oblivion en hún er ein þeirra mynda sem frumsýndar verða í apríl.

Á forsíðu DVD-hlutans er myndin um Hobbitann, en hún er ein þeirra mynda sem kemur út á vídeó í apríl.

Myndir mánaðarins er að venju með yfirlit yfir allar nýjar myndir í bíó og á DVD/Blu-ray í apríl mánuði auk þess sem fjallað er um nýja tölvuleiki sem koma út í mánuðinum.

Eins og alltaf er blaðið kryddað með skemmtilegum fréttum og frásögnum. Gullkornin, staðreyndirnar og stjörnuspáin eru einnig á sínum stað eins og venjulega.

Bíómiðaleikurinn er líka á sínum stað, og hægt er að taka þátt í honum með því að smella hér.