Nýtt á VOD

Owen leiðist, en einn daginn síðla kvölds kynnir vinur hans hann fyrir dularfullum sjónvarpsþætti sem fjallar um yfirnáttúrulegan og spennandi heim ...

Ung Gyðingastúlka fær skjól hjá dreng og fjölskyldu hans í Frakklandi á tímum Seinni heimsstyrjaldarinnar.

Ekkert er sem sýnist þegar brengluð skyndikynni umturnast í hrottalegt morðæði raðmorðingja.

Julian hefur átt erfitt með að aðlagast nýja skólanum allt síðan honum var vísað úr skóla fyrir að stríða bekkjarbróður með afmyndað andlit. Til að hafa áhrif á líf hans ákveður amma Julians að segja honum hetjusögu sem gerðist þegar hún var ung stúlka í Frakklandi á tímum hersetu Nasista í Seinni heimstyrjöldinni, þegar bekkjarbróðir bjargaði lífi hennar.

Ungur kennari vonast til að fá flutning til Istanbúl eftir að hafa klárað skyldudvöl í skóla í þorpi úti á landi í Anatoliu. Eftir að ásakanir um ósæmilegt samband við nemanda koma fram í dagsljósið, minnka vonir hans um flótta og hann sekkur dýpra í tilvistarlega kreppu.

Hinn ellefu ára gamli Alfonso, afkomandi riddarans Don Kíkóta, og þrjár ímyndaðar tónelskar kanínur, fara með Pancho og Victoriu að bjarga bænum sínum La Mancha frá skelfilegum stormi sem illt stórfyrirtæki setur af stað til að eigna sér landið. Á leiðinni kemst Alfonso að því hvað vináttan er kraftmikið afl og verður ástfanginn í leiðinni.

Líf hins 19 ára gamla Isaiah Wright snýst um körfubolta og tölvuleiki. Það er eitt ár síðan hann kláraði menntaskólann en hann er ekki með vinnu og engin plön fyrir framtíðina. Einstæð móðir hans, Cynthia, ákveður að setja honum afarkosti - að girða sig í brók eða flytja út. Isaiah fær vinnu hjá Moore Fitness án þess að vita um áhrifin sem eigandinn á eftir að hafa á líf hans. Bænir móður hans og óvænt leiðsögn hins nýja leiðbeinanda neyða Isaiah til að horfast í augu við fortíðina, fórna sjálfselskunni og uppgötva að Guð gæti verið með eitthvað stærra í huga fyrir hann.

Stoðtækjafræðingurinn Abi og svikull eiginmaður hennar Paul, flytja út á land þegar Abi fær vinnu hjá hátæknifyrirtækinu Integrate, þar sem gervigreindarvélmennið T.I.M. er framleitt.

Þó að fortíðin hafi oft verið flókin og erfið þá hefur Lily Bloom alltaf vitað hvaða líf hana dreymdi um. Hún býr í Boston og einn daginn hittir hún taugaskurðlækninn Ryle Kincaid og telur sig þar hafa fundið sinn sálufélaga. Fljótlega fara spurningar þó að vakna um sambandið, og til að flækja málin enn frekar, kemur gamli kærasti hennar úr menntaskóla, Atlas Corrigan, aftur til sögunnar, sem setur sambandið við Ryle í uppnám.

Roberta Flack ávann sér stað í tónlistarsögunni þegar hún varð fyrsti tónlistarmaðurinn til að vinna Grammy verðlaun fyrir hljómplötu ársins tvö ár í röð, The First Time I Ever Saw Your Face árið 1973 og Killing Me Softly with His Song árið 1974.

Eva Carver, sem neyðist til að gefa eigin drauma upp á bátinn, þar sem hún býr á suðrænni eyju, hittir skrýtna konu sem byrjar smátt og smátt að yfirtaka líf hennar.

Eftir endurkomu á plánetuna Pandoru fær hinn alræmdi útlagi Lilith hættulegt verkefni og myndar bandalag (og mögulegan vinskap) við aðra glæpamenn, þar á meðal málaliðann Roland, sprengjusérfræðinginn Tiny Tina og félaga hennar Krieg, en einnig klikkaða vísindamanninn Tannis og brandaravélmennið Claptrap. Verkefnið felst í að finna og vernda týnda dóttur valdamikils manns sem kallast Atlas. En allt er þó ekki sem sýnist því stúlkan geymir lykilinn að miklum krafti sem gæti breytt örlögum alheimsins.

Sorgmæddur söngstjóri, sem efast um Guð, veit ekki hvaðan á sig stendur veðrið þegar tónlistarkennarinn hans úr grunnskóla birtist á ný, í Bat Mitzvah fermingarfræðslu hjá honum. Þessar tvær einmana sálir mynda sérstakt samband sín á milli.

Alríkislögreglumaðurinn Lee Harker er efnilegur nýliði í löggunni, en með dularfulla fortíð. Hún fær það verkefni að leita uppi alræmdan fjöldamorðingja. En til þess að binda endi á morðæðið þarf lögreglukonan að leysa ýmsar torræðar þrautir.

Dag einn seint á nítjándu öld breytist líf hinnar fjórtán ára gömlu Lise til frambúðar. Hún er elst systkina sinna, og sú fyrsta til fara í skóla. Hún er vongóð og trúir á lífið og framtíðina. En þegar móðir hennar fær hríðir er augljóst að eitthvað er að. Eftir því sem fæðingin dregst á langinn fer Lisa að átta sig á að þó að hún hafi byrjað daginn sem barn muni hún enda daginn á að þurfa að taka ábyrgð á heimilinu.

Inni í bókinni sinni getur Harold látið allt gerast með því einfaldlega að teikna það. Eftir að hann vex úr grasi og teiknar sjálfan sig út úr bókinni og inn í raunheima, áttar hann sig á að hann á ýmislegt eftir ólært um lífið.

Bein útsending í sjónvarpi fer illilega úrskeiðis árið 1977 og leysir úr læðingi ógurlega illsku sem leitar inn á heimili fólks.

Heyrnarskertur lögreglumaður í Boston í Bandaríkjunum og heyrnarlaust vitni þurfa að reiða sig á hjálp hvors annars til að snúa á hóp morðingja sem þau geta ekki heyrt í, þegar þeir króa þau af í yfirgefinni blokk.

Ilir andar hafa ofsótt fjölskyldu í mörg ár. Spurningar vakna um öryggi þeirra og umhverfi þegar eitt barnanna fer að efast um hvort djöfulskapurinn sé raunverulegur.

Anna er bráðsnjall lögfræðingur sem býr með eiginmanni sínum Pierre og dætrum þeirra. Anne stofnar smátt og smátt til ástríðufulls sambands við Theo, son Pierre úr fyrra hjónabandi, sem setur feril hennar og fjölskyldu í hættu.