No Country for Old Men (2007)

No Country For Old Men er alveg ótrulega góð. Coen bræður sanna en og aftur hversu góðir leikstjórar þeir eru. Leikararnir eyðileggja ekki fyrir. Tommy Lee Jones leikur fógeta(sheriff) í Texas og leikur það með stakri prýði og Jack Brolin er mjög fínn í myndinni en Javier Bardem er maðurinn sem sýnir alveg geggjaðan leik í myndinni maður hefur ekki séð svona mikinn psycho gaur bara síðan Hannibal Lecter sko. En ég mæli eindregið með þessari mynd.Ég skelli 4 og hálfum á þessa;D

No Country for Old Men er hreint út sagt stórkostleg kvikmynd sem að verður aðeins betri og betri með hverju áhorfi. Ég hef þegar séð myndina tvisvar og hefur álitið e.t.v. hækkað síðan ég sá hana fyrst. Það er allt svo fullkomið við myndina; Spennan, uppbyggingin, samtölin, leikararnir, framvindan, lágstemmdi húmorinn o.fl. o.fl.Leikurinn er náttúrlega límið sem heldur þessu öllu saman. Handritið er að vísu algjör snilld og leikstjórnin gallalaus en í höndum einhverra annarra á skjánum hefði ræman getað hrunið í sundur. Við fylgjumst með þremur gæðaleikurum út alla myndina og er hver og einn fullkominn. Josh Brolin hefur komið langa leið síðan The Goonies en hefur aldrei beinlínis staðið sig neitt illa, þrátt fyrir að lítið hefur farið fyrir honum. Tommy Lee Jones heldur uppi bæði húmor og dálitlum sjarma sem löggan sem finnur fyrir því að hann sé ekki lengur af sömu kynslóð og allir aðrir í myndinni. Javier Bardem fær klárlega heiðurinn á því að vera senuþjófurinn samt sem áður. Ég hef aldrei séð þennan mann leika svo mikið sem "sæmilega." Nei, hann hefur alltaf verið góður eða frábær, en hér er hann brilliant! Persóna hans er svo ógleymanleg og litlu tilþrifin sem hann sýnir gera hann að mínu mati óhugnanlegri í nærveru heldur en Hannibal Lecter. "Coin toss-senan" fræga gefur mér rosalega gæsahúð.Ég á erfitt með að finna dauðan punkt við myndina og ég get sagt að þetta sé með öllum líkindum besta mynd Coen-bræðra síðan Miller's Crossing. Tæknivinnsla myndarinnar er líka til fyrirmyndar, og allt frá hljóðvinnslu til kvikmyndatöku er stórfenglegt. Myndin skilur heilmikið eftir sig og þegar uppi er staðið finn ég ekki betri mynd frá árinu 2007. Ég hvet kvikmyndaáhugamenn til að horfa á myndina með opnu hugarfari.9/10 - Há nía. Aðeins millimeter frá toppeinkunninni.PS. Ekki dissa endinn! (eins og alltof margir hafa gert...) Pælið aðeins í honum og þá kannski sjáið þið hvað hann hentar myndinni vel.

 Það er ýmislegt sem gerir þessa vegamynd sérstaka. Löggan í  myndinni virðist meðal annars ekki vera að rannsaka málið að neinu viti. Morðóði morðinginn Chigurh virðist fá algjöran frið til að ástunda sína iðju, þ.e. CSI Miami, FBI og aðrar stofnanir eru víðs fjarri, og það er engin tónlist í myndinni. Bryddað er upp á athygisverðri nýjung í aftökum, sem kannski skýrir afhverju það er erfitt að CSI'a morðingjann. Heilt yfir er þetta flott mynd, Bardem mjög góður, Tommy Lee Jones er sjálfum sér líkur, og stemningin fín. Húmorinn til staðar. Vekur upp ýmsar spurningar eftir á og því hægt að horfa aftur og aftur.Myndin endurspeglar ákveðin kynslóðaskipti og tímamót í starfi löggæslumanna, sem eru ofurliði bornir af eiturlyjaglæpum.

Ég vil byrja með að segja að ég hef aldrei séð hvað á að vera svona frábært við Coen bræður. Fargo er ein ofmetnasta mynd sem ég hef séð, Miller's Crossing gat ég ekki einu sinni klárað og ég sá ekkert gott við Rasing Arizona. Hins vegar fannst mér tvær, sem taldnar eru meðal þeirra síðri, O Brother Where Art Thou og Intolareble Cruelty nokkuð góðar. En allt í allt þykir mér þeir bræðurnir ofmetinir mjög. Ég fékk hins vegar allt aðra tilfinningu frá þessari. Hún leit út fyrir að vera ólík fyrri myndum þeirra og það var hún á mjög góðan hátt.Ég ætla ekki að fara í plottið enda er lýsing á því hér fyrir ofan en vind mér þess í stað yfir í gagnrýnina sjálfa. Leikurinn er góður. Eins og Martin Scorsese og Woody Allen virðast Coen bræður hafa þann hæfileika að ná því besta úr leikurum. Ég man ekki eftir neinum sem stóð sig illa. Javier Bardem var sérstaklega minnisstæður, enda hlaut hann Óskarstilnefningu fyrir hlutverk sitt, sem einn sjúkasti og flottasti vondi kall sem sést hefur í kvikmynd (en upphaflega í bók þó) og tel ég að munað verði eftir þessari persónu í framtíðinni.Myndatakan er einnig frábær, hélt uppi spennu út myndina og náði flottum skotum af landslagi suðurríkjanna í þeim atriðum sem gerðust úti.Einn stærsti plús myndarinnar er líka hvað hún er óvenjuleg og fylgir alls engum formúlum. Engin tónlist heyrist t.d. í henni og stokkið yfir mjög mikilvæg atriði af og til. Sömuleiðis er myndin mjög spennandi, að miklum hluta því að þakka hversu ógvænleg persóna Bardem er.Myndin hefur verið að fá fanta góða dóma og er góð ástæða fyrir því. Ef þið ætluðuð á bíó til að byrja með er þetta myndin til að fara á.