Taxi 1998
Frumsýnd: 27. nóvember 1998
Í Marseilles í Frakkalandi starfar hinn hæfileikaríki pítsusendill Daniel, sem keyrir um á vespu. Draumur hans rætist loks þegar hann fær leigubílapróf. Hann er fljótlega tekinn af lögreglunni fyrir að keyra allt of hratt. Nú þarf hann að hjálpa Emilien, hálfgerðum lögguaula, sem kann ekki að keyra, að elta þýska bankaræningja, svo að hann missi ekki... Lesa meira
Í Marseilles í Frakkalandi starfar hinn hæfileikaríki pítsusendill Daniel, sem keyrir um á vespu. Draumur hans rætist loks þegar hann fær leigubílapróf. Hann er fljótlega tekinn af lögreglunni fyrir að keyra allt of hratt. Nú þarf hann að hjálpa Emilien, hálfgerðum lögguaula, sem kann ekki að keyra, að elta þýska bankaræningja, svo að hann missi ekki leigubílaprófið, og draumastarfið sitt. ... minna
Aðalleikarar
Leikstjórn
Handrit
Eftir að vera búinn að trassa það að sjá þessa mynd, þá drullaðist ég loks út á videóleigu og tók hana.
Ég var ekki alveg viss um það hverju ég ætti við að búast, því ég vissi að myndin fjallaði að einhverju leiti um hraðskreiða bíla, og ég er ekki mikill bíladellukall og vil frekar sjá velgerða mynd, heldur en mynd sem fjallar bara um flotta bíla og hefur nánast engan söguþráð.
En ekki varð ég fyrir vonbrigðum með þessa mynd, því hún er virkilega skemmtileg og með góðan húmor, og núna get ég ekki beðið eftir að fara á leiguna og taka Taxi 2 og Taxi 3.
Taxi er hröð og skemmtileg mynd með flottar tökur. Handritið er flott þótt það sé svolítið amerískt. Luc Besson er greinilega að reyna að komast á Hollywood markaðinn, þótt það saki ekki en ég er alveg viss um að myndin á eftir að verða endurgerð í Hollywood. Þótt að leikararnir séu næstum því óþekktir standa þeir sig mjög vel. Taxi er fyndin og spennandi og endirinn kemur á óvart.
Kvikmyndin Taxi sem Luc Besson framleiðir en er annars með eiginlega alveg óþekktu liði er mjög hröð, fyndin og skemmtileg mynd sem margir ættu að hafa gaman af, þá ekki síst strákar á aldrinum 12-16 ára. Það eru engar óþarfa senur í þessari mynd og hún er látin renna mjög vel áfram. Auðvitað er hún ekki kannski mjög djúphugsuð en á meðan hún er á fullu þá skemmtir maður sér vel. Myndin er aðallega gamanmynd þótt að í henni séu t.d. mjög vel útfærðir bílaeltingarleikir og nóg sé skotið. Eitt það fyndnasta við myndina er að hinn ólánsami bílstjóri, sem neiðist til þess að hjálpa löggunni af því að annars missir hann ökuskírteinið sitt, hefur engann tíma fyrir kærustuna sína og þarf að skálda upp ótrúlegustu afsakanir til að þurfa ekki að segja henni að hann sé að aðstoða lögguna. Leikararnir eru allir mjög fínir og þeir félagarnir tveir í myndinni eru greinilega mjög efnilegir. Tónlist og kvikmyndataka er líka til fyrirmyndar og greinilegt er að þeir hafa fengið innblást frá Quintin Tarantino við gerð tónlistarinnar. Eftir stendur létt, hress og skemmtileg mynd sem ætti að skemmta sem flestum.
Um myndina
Leikstjórn
Handrit
Kostaði
$8.700.000
Tekjur
$44.500.000
Frumsýnd á Íslandi:
27. nóvember 1998
VHS:
27. apríl 1999