The Good, the Bad and the Ugly (1966)

Blondi ( sá góði ) er atvinnubyssumaður, sem ferðast um og reynir að vinna sér inn peninga. Angel Eyes ( sá vondi ) er leigumorðingi sem leggur alltaf allt sitt í verkefnið og fylgir því eftir allt til enda, svo lengi sem einhver borgar honum fyrir það. Tuco ( sá ljóti ) er eftirlýstur útlagi sem er að reyna að sjá til þess að hann náist ekki. Tuco og Blondie vinna saman en þegar Blondie slítur samstarfi þeirra, þá reynir Tuco að elta Blondie og drepa hann. Þegar Blondie og Tuco koma að hestvagni sem er fullur af líkum, þá komast þeir að því frá þeim eina sem er á lífi í vagninum, Bill Carson, að hann og nokkrir aðrir hafi grafið fullt af gulli í kirkjugarði. Til allrar óhamingju deyr Carson, og Tuco kemst aðeins að því hvað kirkjugarðurinn heitir, en ekki meira, en Blondie fær að vita hvað gröfin heitir þar sem fjársjóðurinn er grafinn. Núna verða þeir að sjá til þess að hvorugur þeirra deyi, til að þeir eigi einhvern möguleika á að finna gullið. Angel Eyes sem hafði verið að leita að Carson kemst að því að Tuco og Blondie hafi hitt Carson og veit að þeir vita hvar gullið liggur grafið.