Hvað er í blýhólknum 1971

Leikhópurinn Gríma setti verkið fyrst upp árið 1970, sama ár og Rauðsokkahreyfingin var stofnuð og árið 1971 var leikritið kvikmyndað og frumsýnt á RÚV. Þetta voru umbrotatímar í kvennabaráttunni á Íslandi sem náðu hápunkti með Kvennafríinu í október 1975. Svava Jakobsdóttir barðist ötullega fyrir réttindum kvenna á ýmsum vettvangi meðal annars á Alþingi í sex ár ásamt fámennum hópi kvenna.

Myndin er áhugaverður samtímaspegill á kvennabaráttu áttunda áratugarins.