Christmas Vacation (1989)

Clark Wilhelm Griswold langar að halda hin fullkomnu Griswold fjölskyldujól. Eftir margra mánaða undirbúning býður hann bæði foreldrum sínum og tengdaforeldrum, og einnig frænda sínum Louis og elliærri frænku sinni Bethany. Clark að óvörum mætir hinn groddaralegi frændi konu hans, Eddie, ásamt allri fjölskyldunni í húsbílnum sínum. Clark er búinn að undirbúa húsið og skreyta með meira en 20.000 ljósaperum og búinn að ná í risastórt jólatré sem passar eiginlega ekki inn í stofuna. Fljótlega fara að koma brestir í alla framkvæmdina, kalkúninn er ekki eins og hann átti að vera, köttur frænkunnar nagar í sundur rafmagnskapal og Louis kveikir í trénu. Til að kóróna allt saman þá fær hann ekki langþráðan jólabónus frá fyrirtækinu, og þá sýður endanlega upp úr hjá okkar manni.