Quarantine 2: Terminal (2011)

Quarantine 2: Terminal er þráðbeint framhald af spennutryllinum Quarantine frá 2008, en þar var íbúðablokk í Los Angeles sett í einangrun vegnaóþekkts og óhugnanlegs víruss sem herjaði á íbúa hennar. Um það bil sem talið er að hafi tekist að útrýma vírusnum í blokkinni er flugvél á leiðinni út á flugbraut á Los Angeles-flugvelli, en stefnan er tekin þvert yfir Bandaríkin til Nashville. Stuttu eftir flugtak sturlast einn farþeginn og ræðst á aðra í flugvélinni áður en hann deyr af völdum óþekktrar veiru. Flugvélin nauðlendir á stórum flugvelli, en þegar þangað er komið er henni beint inn í flugskýli og enginn fær að fara út. Flugfreyjan Jenny (Mercedes Masöhn) reynir að komast til botns í málinu og kemst að því að vélin hefur verið sett í einangrun, og virðist yfirvöldum slétt sama hvort þeir sem um borð eru muni lifa af eða ekki...