Poltergeist 1982
It knows what scares you.
Ung fjölskylda lifir venjulegu lífi í venjulegu hverfi þegar yngsta dóttirin í Freeling fjölskyldunni, Carol Anne, fer að tengjast við yfirnáttúruleg öfl í gegnum ótengda rás í sjónvarpinu. Ekki líður á löngu þar til þessi öfl berast inn í húsið og fara að færa til hluti. Í fyrstu virðast þessir draugar ekki vera óvinveittir, og leika ýmis brögð... Lesa meira
Ung fjölskylda lifir venjulegu lífi í venjulegu hverfi þegar yngsta dóttirin í Freeling fjölskyldunni, Carol Anne, fer að tengjast við yfirnáttúruleg öfl í gegnum ótengda rás í sjónvarpinu. Ekki líður á löngu þar til þessi öfl berast inn í húsið og fara að færa til hluti. Í fyrstu virðast þessir draugar ekki vera óvinveittir, og leika ýmis brögð sem fjölskyldan hefur jafnvel gaman af. En hlutirnir taka aðra og ógnvænlegri stefnu þegar reið tré og morðóðar dúkkur fara að gera fjölskyldunni lífið leitt, og að lokum er Carol Anne rænt, og hún hverfur inn í fataskápinn í herberginu sínu, sem virðist vera inngangurinn inn í myrkraveröld. ... minna
Aðalleikarar
Leikstjórn
Handrit
Poltergeist segir frá Freeling fjölskyldunni sem uppgvötar eitthvað yfirnáttúrulegt og óhreint á heimilinu. Yngsta barnið af þremur sogast inn í aðra vídd og foreldrarnir(Jobeth Williams og Craig T. Nelson) leita hjálpar hjá sérfræðingum. Virkilega óhugnaleg mynd og ekki er laust við að manni bregður(þeir sem hafa séð myndina vita hvað ég á við með: "Trúður"....hah!). Tæknibrellurnar eru mjög góðar miðað við aldurinn á myndinni og endirinn er ekki bara fullnægjandi heldur líka það óhugnalegasta við myndina. Poltergeist hrapar þó aðeins í gæðum vegna leiksins sem er verður að segjast ekki nógu góður. Persónurnar eru virkilega þunnar og engin þeirra náði neitt til mín. Hvort það er handritinu að kenna eða margföldum miscast er ekki auðvelt að sjá. Poltergeist fær frá mér 7/10 í einkunn fyrir að nýta sér mátt sinn til fullnustu en meira fær hún ekki út af áðurnefndum galla. En ef þú vilt láta hræða þig tékkaðu þá á þessari.
Poltergeist segir frá fimm manna fjölskyldu sem er býsna venjuleg,pabbinn Steve er fasteignasali,Diane er venjuleg húsmóðir,þau eiga búa í fallegu hverfi í ónefndum bæ ásamt þremur börnum en það sem er ekki svo venjulegt er að yngsta stelpan(mjög vel leikn af hinni krúttlegu Heather O´Rourke)hefur samband við ærsladrauga sem í fyrstu eru óskaðlegir og skemmtilegir færa húsgögn ofl. en svo eitt óveðurskvöld......
þið verðið horfa á hana ef þið viljið vita hvað gerist en varúð eitt atriði er svo viðurstyggilegt og það er óstæðan að ég er grænmetisæta.
Reyndar er ekki hægt að flokka poltergeist sem hrollvekju,spennumynd né ævintýri því að fyrsta klukkutímann(jafnvel lengur)er hún spennandi fjölskylduvænt ævintýri minnir svolítið á E.T(enda framleidd af Steven Speilberg)en svo breytist hún ógeðslega hryllingsmynd seinasta hlutann.
Myndin var góð fyrri hlutann en mér fannst hún versna mikið þegar hún breytist í miðurgeðslega hryllingsmynd.
Leikstjórn er bara fín en ekki meira en það,handritið hefði mátt lagfæra aðeins og bara mátt sleppa að gera hana að hryllingsmynd þarna í endann(eða þá gera það ekki eins ógeðslegt),leikurinn er ekki sérstaklega góður nema þá stendur Heather
O´Rourke sig frábærlega sérstaklega miðað við aldur.Poltergeist var nokkuð scary líka fyrsta tímann án þess að vera hræðileg og ofspennandi en enn og aftur þá fannst mér bara þetta hryllingsdæmi alls ekki virka.
Tæknibrellurnar eru heldur ekki góðar en það má fyrirgefa því mynd en yfir 20 ára gömul.Poltergeist eldist því miður ekki vel og hefði getað orðið mikilu betri en er samt þess virði að sjá.
Hélt að ég væri að fara að horfa á eina af þessum klassísku hryllingsmyndum og var þess vegna með smá væntingar en já,nei.
Ég hreinlega gafst upp í kringum miðja mynd og mér finnst hreinlega flestar gömlu hryllingsmyndirnar ekki geta keppt við þær nýrri (þ.e.a.s. þær betri, nýrri) sökum tæknibrellna og annars. En þessi mynd er nánast ekkert scary og er eiginlega bara leiðinleg, fjallar um það þegar einhverjir ærsladraugar fara að níðast á týpískri amerískri fjölskyldu.
Látið þessa eiga sig.