Under Siege (1992)

Myndin gerist um borð í bandaríska herskipinu USS Missouri, sem er um það bil að verða tekið úr umferð, stuttlega eftir að George Bush Bandaríkjaforseti heimsækir það. Þegar Bush fer af skipinu, ræðst hópur hryðjuverkamanna um borð og yfirbugar áhöfnina, undir því yfirskini að þeir ætli að halda afmælisveislu fyrir skipstjórann, Adams. Foringi hryðjuverkahópsins er Strannix, ósáttur fyrrum leyniþjónustumaður, og hægri hönd hans, hinn klikkaði Krill. Hryðjuverkamennirnir áætla að stela kjarnaoddum úr skipinu, fara með þá í stolinn norður kóreskan kafbát, og selja þá til lands í Mið Austurlöndum. Til allrar óhamingju fyrir Strannix, þá gerði hann ekki ráð fyrir matreiðslumanninum á skipinu, Casey Ryback, sem er margverðlaunaður sérsveitarmaður, Navy SEAL, sem vegna smá hneykslismáls, er að ljúka tuttugu ára þjónustu sinni í hernum í rólegheitum í eldhúsinu á skipinu Missouri. Nú neyðist Ryback til að fara aftur í fremstu víglínu, ásamt konu sem stökk upp úr afmælisköku skipstjórans.