About a Boy (2002)

Hinn 12 ára gamli Marcus Brewer býr með þunglyndri einstæðri móður sinni, Fiona Brewer. Bæði Fiona og Marcus fara sínar eigin leiðir. Marcus gerir hvað hann getur til að gleðja móður sína, jafnvel þó það geri hann sjálfan leiðan. Vegna þessara aðstæðna þá gerir hann sér grein fyrir því að krökkunum í skólanum finnst hann vera öðruvísi en hinir krakkarnir, og meira að segja nördarnir vilja ekki vera vinir hans, enda er honum strítt í skólanum. Hluti af ástæðunni fyrir því að honum er strítt er að hann syngur og talar við sjálfan sig án þess að átta sig á að hann geri það. Á sama tíma þá er hinn 38 ára gamli slugsi, Will Freeman, að njóta lífsins við að gera ekki neitt, í þægilegri íbúð, og græðir fullt af peningum á gömlu jólalagi sem faðir hans sálugi samdi, og því þarf hann ekkert að vinna. Hann hugsar bara um sjálfan sig og lífið snýst allt í kringum hann sjálfan. Hann fær eitt sinn þá hugmynd að það gæti hentað honum vel að fara á stefnumót með einstæðum mæðrum. Á einu slíku stefnumóti hittir hann Marcus, þar sem ein af einstæðu mæðrunum sem fer út með Will, Suzie, er vinkona þeirra Marcus og Fiona. Í tilraun til að brjótast úr úr aðstæðum sínum, en einnig af því að hann vill að Will og Fiona hittist og fari á stefnmót, þá þröngvar Marcus sér inn í líf Will, en Will er tregur til að taka á móti honum í fyrstu. Will fer samt hægt og hægt að átta sig á að Marcus er meira en bara til vandræða, hann þarfnast líka einhvers sem getur hjálpað honum í gegnum hin erfiðu unglingsár og gæti stutt hann, þar sem það getur verið erfitt að eiga móður sem er sí og æ á barmi þess að fremja sjálfsmorð. Hann áttar sig á að þarna geti hann mögulega lagt eitthvað af mörkum til að hjálpa til, en á sama tíma gæti svo farið að Marcus gæti hjálpað Will að verða fullorðinn líka.