Down to Earth (2001)

Svo virðist sem allir vilji komast til himnaríkis; amk. þeir sem eru orðnir saddir lífdaga á Jörðunni. En það er hinsvegar það síðasta sem Barton, baslandi uppistandara og sendiboða á reiðhjóli, langar til að gera. Hann telur sig eiga amk. 50 ár eftir á Jörðinni og á ýmsum verkefnum ólokið, eins og til dæmis að komast í úrslit uppistandskeppni í Apollo leikhúsinu. Lance á við eitt vandamál að stríða þó - hann er ekki vitund fyndinn. Þá kemur til sögunnar kauðslegur sendiboði af himnum, Hr. Keyes, sem fyrir mistök kippir Lance upp til himna úr umferðarslysi, áður en það á sér stað. Hann fer með hann að Gullna hliðinu þar sem yfirengillinn Hr. King ræður ríkjum. Fyrst svona er komið fyrir Lance, þá er útilokað fyrir hann að snúa aftur til Jarðar sem hann sjálfur, og eina leiðin fyrir hann ef hann vill fara aftur til Jarðar, er að snúa aftur í líkama hvíts athafnamanns, Charles Wellington, eða þar til annar líkami sem hentar honum betur, finnst. En eins furðulega og það hljómar, þá kann Lance ákaflega vel við sig í lúxusíbúð Wellington þar sem þjónar fylgja honum hvert fótmál, á meðan hann þróar nýtt efni fyrir uppistand sitt í Apollo leikhúsinu. En eins og það sé ekki nógu skrýtið fyrir hann að vera kominn í líkama kaldranalegs gamals hvíts karlmanns, þá verður hann núna ástfanginn af Sontee, fallegri konu sem á í stríði við fyrirtæki Wellington. Að auki kemur í ljós nýtt vandamál, en eiginkona hans á í ástarsambandi við aðstoðarmann hans, og hann fréttir að þau ætli sér að koma honum fyrir kattarnef. Mun þessi endurholdgun leiða til persónulegrar sjálfsskoðounar, sannrar ástar og betra og fyndnara efnis fyrir hann sem grínista? Lance Barton mun fljótlega komast að því.