The Recruit (2003)

Þetta er mjög góð og spennandi mynd með nýstyrninu Colin Farrell og gömlu kempunni Al Pacino. Myndin fjallar um Colin Farrell sem er ungur drengur sem á framtíðina fyrir sér í tölvumálum og vinnur sem barþjónn á kvöldin þegar eitt kvöldið kemur Al Pacino og recruit-ar hann í þjálfun fyrir CIA og þá hefst allskonar spenna og gaman. Þetta er rosa góð mynd með fullt af góðum leikurum. Mér finnst hún mjög vel leikinn og leikstýrð. Það er aðeins einn stór galli og það er hvað hún er fyrirsjáanleg en annars hin besta skemmtun. Sé ekki eftir því að borga fyrir mig í bíó á þessa mynd.

Ég verð að segja að eftivæntingin var mikil áður en ég sá þessa mynd. En svona til að gera langa sögu stutta verður að segjast að þessi mynd fer beint í ruslahrúguna með öllum hinum auðgleymanlegu myndunum. Maður hefur kannski haft of miklar væntingar til myndarinnar þar sem hún státar af tveimur úrvals leikurum af sitthvorri kynslóðinni. Al Pacino sem sem flestir ef ekki allir kvikmyndaunnendur þekkja og svo Colin Farrel sem virðist vera einhver sá heitasti leikari í Hollywood þessa stundina. En eins og svo oft vill verða er ekki nóg að státa af góðum leikurum þegar allt annað er 3. flokks.

Því miður gerði ég þau mistök að fara á þessa mynd með miklum væntingum. Myndir með Al Pacino hafa ekki klikkað hingað til og ekki er vera að hafa nýjasta sjarminn Colin Farrell.

Ég ætla ekki að tala mikið um myndina en skora á þá sem ætla á hana að fara ekki með miklum væntingum. Ekki búast við spennu mynd eins og ég gerði. Ég gef myndinni 2 stjörnur fyrir góðan leik og punktur. Afleitur söguþráður og lélegt flétta.

The Recruit er mynd sem unnendur góðra spennumynda ættu ekki að láa fram hjá sér fara. Colin Farrell og gamla kempan Al Pachino standa sig með prýði í myndinn þó svo að mér hafi fundist Al Pachino vera hálf slappur í byrjun þá endaði hann myndina með stjörnuleik eins og honum einum er lagið. Colin Farrell er nýi Tom Crusinn fyrir stelpurnar en hann er líka mjög góður leikari og leysir hlutverk sitt alvegg einstaklega vel í þessari mynd.

Söguþráðurinn er einfalur, eða hvað. Al pachino leikur mann sem sér um að þjálfa nýa CIA menn en Colin Farrell leikur hinsvegar einn af þeim sem er valinn til þess að ganga í gegnum þá þjálfun. Myndin byrjar einföld en þegar fer að líða á hana fara að flækjast inn í hana allskonar plott sem á endanum ganga öll upp og gera hana að mjög góðri og heilsteyptri spennumynd.

Mæli með þessari fyrir alla sem fíla góðar spennumyndir með smá plottum og pælingum, hún á stjörnurnar vel skilið.

Colin Farrell og Al Pacino eru óneitanlega með þeim traustari leikurum sem hægt er að fá nú til dags, og að sjá þá sameinast er bara gott mál. Hins vegar varð ég fyrir talsverðum vonbrigðum með myndina sjálfa. Áður en fólk fer að setja upp sína hneykslusvipi, lof mér að útskýra. The Recruit er samt jú, skemmtilegur þriller og bara helvíti fín afþreying út í gegn, eða þannig. Það er alveg skelfilegt hvernig myndinni tekst samt sem áður að svíkja mann þegar það líður að seinustu 20 mínútunum, en þá fer allt í steypu og myndin bókstaflega drekkir sjálfri sér í of mörgum "plot twist-um." Þessar fléttur eru bara svo kjánalegar, heimskulega útpældar og missir nánast hver og einasta marks, svo gera þær endinn bara hálf dæmigerðan og vægast sagt hallærislegan. Myndin er líka kannski heldur of lengi að koma sér almennilega í gang. Eins og ég segi, þetta eru stórir gallar, en til að vera ekki alltof neikvæður þá viðurkenni ég alveg að ég kom samt sem áður til með að fíla myndina bara alveg prýðilega. Hún nær að halda manni við efnið - sama hversu aulalegt það verður - og leikararnir gera sitt besta með að halda því öllu á floti. Leikstjórinn Roger Donaldson er líka góður á sínu sviði, og kann lagið að byggja upp spennu. Hefði bara lokahálftímanum verið örlítið meira breytt yrði þetta vel þétt spennumynd, en þar sem að niðurstaðan reyndist öðruvísi sætti ég mig við það að gefa myndinni hærri einkunn. Hvet samt alveg unnendur þrillera til að kíkja á hana, sem og þá sem elska Pacino út af lífinu.6/10

Það er lítið sem ég get sagt um þessa mynd nema... Snilld! Colin Farrell leikur hérna ungan snilling sem var hæstur í bekknum sínum í MIT, Burke (Al Pacino) hefur það að starfi að ráða fólk inn í CIA ásamt því að vera kennari, Burke fær Clayton (Colin) til að koma til CIA og ræður hann svo í verkefni að koma upp um uppljóstrara í CIA. Þó þetta sé söguþráður myndarinnar þá er besti hlutinn þegar Clayton fer í gengum skólan til að öðlast þau réttindi að vera CIA spæjari, þar má segja að mestu hlutirnir ske nema hvað þá í endinn. En góð mynd út í gegn, fólk ætti ekki að vera svekkt á að sjá þessa.