The Nutty Professor 2 2000
(The Nutty Professor II, Nutty II: The Klumps)
Frumsýnd: 10. nóvember 2000
Eddie Murphy Is The Klumps
Prófessor Sherman Klump er að fara að gifta sig. Og Klump fjölskyldan gæti ekki verið ánægðari fyrir hans hönd. En Buddy Love, partýskrýmslið sem býr innra með honum og brýst út þegar Klump innbyrðir efnablöndu sem hann hefur sjálfur þróað, brýst fram og reynir að eigna sér allt heila klabbið. Love kemur óforvandis fram þegar hans er síst von, og setur... Lesa meira
Prófessor Sherman Klump er að fara að gifta sig. Og Klump fjölskyldan gæti ekki verið ánægðari fyrir hans hönd. En Buddy Love, partýskrýmslið sem býr innra með honum og brýst út þegar Klump innbyrðir efnablöndu sem hann hefur sjálfur þróað, brýst fram og reynir að eigna sér allt heila klabbið. Love kemur óforvandis fram þegar hans er síst von, og setur allar giftingaráætlanir Klumps í uppnám, en hans heittelskaða heitir Denise Gaines. Hann ákveður að nýta sér DNA rannsóknir Denise, og losa sig í eitt skipti fyrir öll við Buddy Love. En Buddy er ekki á þeim buxunum að hverfa, og stekkur fram og segist eiga allan heiðurinn af nýju yngingarlyfi sem Klump hefur verið að þróa. Til að reyna að koma í veg fyrir að Buddy finni lyfið, þá felur Klump lyfið á heimili Klump fjölskyldunnar, og telur að það verði öruggt þar. Buddy finnur að sjálfsögðu lyfið, en til að komast að því þá verður hann fyrst að eiga við alla Klump fjölskylduna. ... minna
Aðalleikarar
Leikstjórn
Handrit
Þar sem mér fannst fyrri myndin svona næstum í lagi ákvað ég að kíkja á þessa, en það hefði ég betur látið ógert.
Væmin, leiðinleg og ófyndin eru nokkur af þeim orðum sem mér datt í hug við áhorfið og gef henni því fullkomna falleinkunn, sem og sjálfum mér fyrir að hafa ekki slökkt á þessu helvíti strax í byrjun.
Ég veit ekki alveg hvað ég á að segja um þessa mynd nema að hún er alveg ágæt. Það sem að angrar mig svoldið er að allt í einu er Jada Pinkett farin og Janet Jackson komin sem einhver allt önnur kona í lífi Shermans. Hún ætti frekar að halda sig við sönginn, hún var ekki það góð. En að öðru leiti er þetta bara mjög fín mynd og ég veit ekki af hverju en ég get horft á hana aftur og aftur án þess að verða leið á henni. Eddie Murphy skilar sínu í hlutverki Klumpanna en að mínu mati ofleikur hann svoldið þegar hann leikur Buddi Love. En meðal annars tvær og hálf stjarna frá mér fyrir skemmtileg atriði, sérstaklega með graða hamsturinn. Ég gersamlega veinaði af hlátri.
Þetta hlýtur að vera lélegasta kvikmynd sem ég hef séð. Nutty Professor I var þó alla vega fyndin á köflum þótt hún væri ekkert snilldarverk en ég hreint út sagt skammaðist mín þegar ég fór að skila þessari á leiguna.
Þessi mynd fjallar um mann sem ætlar að kvænast konunni sem hann elskar, sem heitir Denise Gaines (Janet Jackson) og á eftir að passa inn í Klump-fjölskylduna a. m. k ef miðað er við matarlyst hennar. Öll Klump-fjölskyldan er afar ánægð með þessa tilhögun þótt ástæurnar fyrir þeirri ánægju séu í flestum tilfellum eignhagsmunir einstakra fjölskyldumeðlima. Það eina sem skyggir raunverulega á hina rísandi hamingjusól og væntanlega brúðkaup er ótti Shermans við að leiðindanaggurinn Buddy Love skjóti aftur upp kollinum. En hann vill með öðrum orðum yfirtaka allt líf Sherman en Sherman getur líka sýnt að hann sé harður. Þetta er sérstaklega vel leikið hjá Eddie Murphy. Sum atriði er fyndin en sum eru ekkert fyndin. Mér fannst númer eitt eiginlega betri en þetta er ágætis mynd, fjölskyldan er alltaf fyndin. En ef eitthver er í erfiðleikum að velja spólu og er ekki búin að sjá þessa mundi ég taka hana. Ég gefi henni tvær og hálfa stjörnu sérstaklega fyrir fjölskyldunni. Góða skemmtun.
Ég verð náttúrulega bara að segja að þetta er eitt það lélegasta framhald sem ég hef nokkurn tíma séð. Önnur eins afbökun á góðum brandara hef ég sjaldan áður orðið vitni að! Fyrri myndin var frábær! Eddie Murphy sýndi það og sannaði með þeirri mynd að hann var ekki búinn að glata hæfileikanum að fá fólk til að hlæja. Maður gat að sjálfsögðu ekki búist við annarri eins mynd í framhaldinu, en guð minn góður!!! Í fyrsta lagi hefðu þeir mátt sleppa algerlega kaflanum um Buddy Love í myndinni. Í hvert skipti sem hann birtist á skjánum langaði mig til að stökkva upp á sviðið og skera bíótjaldið í ræmur! Janet jackson... ég veit ekki einu sinni hvort ég ætti að fara út í þá sálma... Hún getur allavega ekki leikið fyrir fimm aura, og væri nær að halda sig bara við sönginn... nei bíddu nú við... hún er hræðileg söngkona!!! Kannski ætti hún bara að þegja og vera falleg! Það er það sem hún gerir best. Úfffff.... hvað meira? Jú Klumparnir áttu nú sínar stundir í myndinni. En ekki veit ég af hverju það þurfti að vera að blanda einhverjum kynferðislegum vandamálum hjá foreldrum Shermans inn í myndina... Hlutverk þeirra í myndinni ætti bara að vera að segja brandara og prumpa með reglulegu millibili... og hananú! Amman stóð nú samt alltaf fyrir sínu! Og eitt hér að lokum... Hvað var málið með þennan hamstur???
Um myndina
Leikstjórn
Handrit
Steve Oedekerk, Barry W. Blaustein
Vefsíða:
Aldur USA:
PG-13
Frumsýnd á Íslandi:
10. nóvember 2000
VHS:
23. apríl 2001