8MM (1999)

Tom Welles er einkaspæjari með meiru. Hann býr í látlausu húsi í Harrisburg, Pennsylvaníu ásam konu sinni og stúlkubarni. Tom er enn að bíða eftir stóra tækifærinu en núverandi starf hans felst aðallega í því að fylgjast með eiginkonum og eiginmönnum sem standa í framhjáhaldi. Starf hans er því laust við allar hættur og spennu. En einn daginn fær hann ósk sína uppfyllta. Auðug ekkja, sem átti vel þekktan eiginmann, ræður hann til sín og afhendir honum 8mm filmubút sem hún hafði fundið í geymsluhólfi látins eiginmanns síns. Efni filmubútsins er viðurstyggilegt, en um er að ræða upptöku af slátrun ungrar stúlku, sem virðist ekki vera að leika. Þetta virðist vera svokölluð SNUFF mynd. Welles byrjar að rannsaka málið sem leiðir hann til móður stúlkunnar og þaðan til Hollywood inn á skrifstofu klámmyndaleikstjóra. Welles verður meira og meira heltekinn af því að reyna að leysa málið sem veldur því að hann fjarlægist eiginkonu sína og nýfædda dóttur. En loksins þegar hann er búinn að finna sökudólga í málinu, þá uppgötvar Welles að hann er kominn á mun hálari ís en hann hélt.