Nýjar myndir
Nýir trailerar
Ný plaköt
Nýir punktar (Vissirðu að?)
Þrjár leikkonur sem leikið hafa kærustu Köngulóarmannsins hafa einnig leikið tennisleikara í tennismynd. Kirsten Dunst lék Mary Jane Watson í Köngulóarmanninum (2002), Köngulóarmanninum 2 (2004) og í Köngulóarmanninum 3 (2007) og svo Lizzie Bradbury í tennismyndinni Wimbledon (2004). Emma Stone lék Gwen Stacy í The Amazing Spider-Man (2012) og The Amazing Spider-Man 2 (2014) og svo Billie Jean King í Battle of the Sexes (2017). Zendaya lék MJ í Spider-Man: Homecoming (2017), Spider-Man: Far from Home (2019) og Spider-Man: No Way Home (2021) og svo Tashi Duncan/Donaldson í þessari mynd.
Austin Butler og Timothée Chalamet komu til greina í hlutverk Art Donaldson áður en Mike Faist var ráðinn.
Til að búa sig undir hlutverkið eyddi Zendaya þremur mánuðum með fyrrum atvinnutennisleikaranum og nú þjálfaranum Brad Gilbert.
Edda Lovísa Björgvinsdóttir er barnabarn Eddu Björgvinsdóttur leikkonu og dóttir leikarans Björgvins Franz Gíslasonar, sonar Eddu.
Sigurður, sem er sjálfmenntaður leikstjóri, segir í samtali við Morgunblaðið að helstu fyrirmyndir sínar séu leikstjórarnir Nicolas Winding Refn, Martin Scorsese og Joe Swanberg.
Sigurður Anton Friðþjófsson hefur leikstýrt, skrifað handrit og klippt allar kvikmyndir sínar. Hann er spurður að því í Morguunblaðinu hvort því fylgi ekki aukið álag og ábyrgð að sjá um svo margar hliðar kvikmyndagerðarinnar. Jú, hann segir svo vera en það sé þó hans aðferð, þ.e. að skrifa, leikstýra og klippa. Þannig vilji hann hafa það.
Þetta er fyrsta kvikmyndin sem Nikolaj Arcel leikstýrir síðan hann gerði The Dark Tower frá 2017.
Tónlistin í stiklunni er úr ballettinum Svanavatninu eftir Tchaikovsky, en hún var notuð í byrjun kvikmyndarinnar Dracula frá árinu 1931.
Í viðtali við Total Film sögðu leikstjórarnir að þeim hafi fundist nauðsynlegt að biðja leikaraliðið afsökunar á hinu mikla magni blóðs sem notað var á tökustað. Þeir sögðu: \"Allar okkar kvikmyndir eru blóðugar. En ég myndi segja að þessi sé sú blóðugasta. Við eyddum miklum tíma í að biðja leikarana okkar afsökunar! Ég á við, blóð tilheyrir vampírumyndum, og blóðmagnið í þessari mynd er ... dálítið öfgakennt! En það er samt skemmtilegt.
Þetta var síðasta hlutverk Angus Cloud áður en hann lést í júlí 2023, en hann leikur Dean í myndinni. Þó að framleiðslu myndarinnar hafi ekki lokið fyrr en nokkrum mánuðum eftir dauða hans vegna leikaraverkfallsins í Hollywood, þá náði Cloud að klára öll sín atriði áður en framleiðslan stöðvaðist.
Tökur myndarinnar fóru fram í október til desember árið 2022 í Los Angeles í Bandaríkjunum.
Michael Keaton og Marcia Gay Harden léku líka saman í Desperate Measures frá árinu 1998.
Alex Garland lét hafa eftir sér í samtali við breska blaðið The Guardian að eftir Civil War ætlaði hann að hætta að leikstýra og einbeita sér eingöngu að handritsskrifum.
Frumsýningardagur kvikmyndarinnar í Bandaríkjunum var 12. apríl 2024. Það er nákvæmlega 163 árum eftir hið raunverulega borgarastríð hófst í landinu.
Amy Jade Winehouse var ensk söngkona og lagahöfundur sem fæddist í London hinn 14. september 1983. Hún var einna þekktust fyrir djúpa og kraftmikla rödd sína og fjölbreyttan tónlistarstíl, þar á meðal blús, reggí og djass.
The First Omen var frumsýnd í Bandaríkjunum tveimur vikum á eftir Immaculate. Báðar kvikmyndirnar eru hrollvekjur um ungar bandarískar nunnur sem fara í klaustur á Ítalíu og enda með að tengjast aðdragandanum að fæðingu andkrists.
Myndinni hefur verið lýst sem John Wick í Mumbai.
Dev Patel meiddi sig nokkrum sinnum á meðan á tökum myndarinnar stóð. Hann handleggsbrotnaði og braut tvær tær, tognaði á öxl og fékk augnsýkingu.
Myndin átti upphaflega að fara beint á Netflix. En þegar leikstjórinn og framleiðandinn Jordan Peele sá myndina fannst honum hún eiga skilið að fara fyrst í bíó. Hann keypti myndina því af Netflix og færði hana undir framleiðslufyrirtækið sitt Monkeypaw Productions sem er með dreifingarsamning við Universal Pictures.
Þetta er fyrsta kvikmyndin sem Dev Patel leikstýrir.
Dev Patel byrjaði að æfa Taekwando þegar hann var tíu ára gamall. Hann fékk svarta beltið í mars árið 2006, sextán ára gamall.
Takashi Yamazaki, handritshöfundur og leikstjóri Godzilla Minus One (2023) fékk að sjá kvikmyndina snemma og sagði um hana á samfélagsmiðlum: “Ég fékk að horfa á stóru myndina snemma! Hún er ótrúlega skemmtileg og glæsileg. Þetta er mynd sem maður verður að sjá á stóru tjaldi í kvikmyndahúsi.”
Litabreytingin á kjarnorkuandardrætti Godzillu, frá ljósbláum yfir í rauðan, vísar til aukins krafts hjá hinu risavaxna skrímsli.
Mark Wahlberg meiddi sig á hné á fyrsta degi í tökum og lét sársaukann skína í gegn í leik sínum.
Sænska hlaðvarpið Tack För Kaffet reyndi að taka viðtal við Arthur á bókamessunni í Gautaborg árið 2016.
Heiti myndarinnar vísar í tilvitnunina: \"Sá sem bjargar einu lífi, hann bjargar heiminum öllum.\" Setningin kom einnig fram í kvikmyndinni Schindler´s List frá 1993 og var þar réttilega sögð vera úr Talmúð safnritunum. Hana er einnig að finna í Kóraninum.
Í minningargreinum í breskum blöðum var Nicholas Winston kallaður \"Hinn breski Schindler\". Hann lést 1. júlí árið 2015.
Afi aðalleikkonunnar Helena Bonham Carter í móðurætt, Eduardo Proper de Callejon, bjargaði einnig mörgum Gyðingum úr helförinni með því að falsa spænsk vegabréf.
Þetta er fyrsta Ghostbusters kvikmyndin þar sem Ivan Reitman kemur ekki við sögu. Hann leikstýrði fyrstu tveimur myndunum og framleiddi allar þær sem á eftir komu áður en hann lést í febrúar 2022.
Vinnuheiti myndarinnar var \"Slökkvistöð\" (e. Firehouse) í höfuðið á slökkvistöðinni í myndinni.